ಕೃಷಿಕ ಕುಟುಂಬದ ಶಿವಗಂಗಮ್ಮ ಅವರಿಗೆ ನಾಲ್ವರು ಪುತ್ರರು, ಏಳು ಜನ ಪುತ್ರಿಯರು. ಹತ್ತನೇಯವರಾದ ದೇವಣ್ಣ ಅವರು ಸದ್ಯ ಬೀಳಗಿಯಲ್ಲಿ ಉಪನ್ಯಾಸಕರಾಗಿ ಕೆಲಸ ಮಾಡುತ್ತಿದ್ದಾರೆ. ದೇವಣ್ಣ ಬೆಂಗಳೂರಿನಲ್ಲಿರುವ ತಮ್ಮ ದೊಡ್ಡ ಅಕ್ಕ ಭಾಗ್ಯಲಕ್ಷ್ಮೀ ಗುರಿಕಾರ ಅವರ ಬಳಿ ತಾಯಿಯ ಮೂರ್ತಿ ಮಾಡಿಸುವ ಕುರಿತು ಪ್ರಸ್ತಾಪಿಸಿದಾಗ ಸಕಾರಾತ್ಮಕ ಸ್ಪಂದನೆ ಸಿಕ್ಕಿದ್ದರಿಂದ, ಬೆಂಗಳೂರಿನ ಮುರಳೀಧರ್ ಆಚಾರ್ಯ ಅವರ ಬಳಿ ₹3 ಲಕ್ಷ ವೆಚ್ಚದಲ್ಲಿ ಫೈಬರ್ ಮೂರ್ತಿ ಹಾಗೂ ಹೊನ್ನಪ್ಪ ಆಚಾರ್ಯ ಅವರ ಬಳಿ ₹95 ಸಾವಿರ ವೆಚ್ಚದಲ್ಲಿ 16 ಕೆ.ಜಿ. ತೂಕದ ಪಂಚಲೋಹದ ಮೂರ್ತಿಗಳನ್ನು ಮಾಡಿಸಿದ್ದಾರೆ.