ಪಠ್ಯಪುಸ್ತಕ ಪರಿಷ್ಕರಣಾ ಸಮಿತಿ ರದ್ದು ನಿರ್ಧಾರ ಸ್ವಾಗತಾರ್ಹ: ಗೊ.ರು.ಚನ್ನಬಸಪ್ಪ

ಓದಿ...ಆರ್‌ಎಸ್‌ಎಸ್ ಸಂಸ್ಥಾಪಕಹೆಡಗೇವಾರ್ಪಠ್ಯ ಕೈಬಿಡುವುದಿಲ್ಲ: ಸಿಎಂಬೊಮ್ಮಾಯಿ

ಮನೋವಿಜ್ಞಾನಿಗಳ ಪ್ರಕಾರ, 4 ರಿಂದ 14ರವರೆಗಿನ ವಯಸ್ಸಿನ ಮಕ್ಕಳ ಮನಸ್ಸು ಗ್ರಹಿಸಿದ ವಿಷಯಗಳು ದೃಢವಾಗಿ ನೆಲೆ ನಿಲ್ಲುತ್ತವೆ ಎಂದು ಹೇಳಲಾಗಿದೆ. ಆದ್ದರಿಂದ ಈ ಅವಧಿಯ ಮಕ್ಕಳ ಕಲಿಕೆಗೆ ಪಠ್ಯಗಳನ್ನು ಸಿದ್ಧಪಡಿಸುವವರಿಗೆ ತುಂಬ ಎಚ್ಚರ ಇರಬೇಕಾಗುತ್ತದೆ. ಈ ಅವಧಿಯಲ್ಲಿ ಮಕ್ಕಳ ಮನೋಭೂಮಿಕೆಯಲ್ಲಿ ವಿವೇಕಯುಕ್ತ ವಿಚಾರಗಳನ್ನು ತುಂಬಬೇಕೇ ಹೊರತು, ವಿವಾದದ ಸಂಗತಿಗಳನ್ನು ತುರುಕಬಾರದು. ಮಕ್ಕಳ ಜ್ಞಾನ ವಿಕಾಸಕ್ಕೆ ಪೂರಕವಾಗುವ ವಸ್ತುನಿಷ್ಠ ಮತ್ತು ವೈಚಾರಿಕ ಒರೆಗಲ್ಲಿಗೆ ನಿಲ್ಲುವಂತಹ ಸಾಹಿತ್ಯವನ್ನು ಒದಗಿಸಬೇಕು. ಮುಗ್ಧ ಮನಸ್ಸಿನ ಮಕ್ಕಳು ವೃಥಾ ಗೊಂದಲಕ್ಕೆ ಈಡಾಗದಂತೆ ನೋಡಿಕೊಳ್ಳಬೇಕು ಎಂದು ತಿಳಿಸಿದ್ದಾರೆ.

ಮಕ್ಕಳ ಕಲಿಕೆಯ ಹಂತದಲ್ಲಿ ವಿವಾದಾತ್ಮಕ ವಿಷಯಗಳನ್ನು ಕೈಬಿಟ್ಟರೆ ನಷ್ಟವೇನಿಲ್ಲ. ಮುಖ್ಯವಾದುದು ಅವರಲ್ಲಿ ಮಾನವೀಯ ಮೌಲ್ಯಗಳ ಅರಿವುಂಟುಮಾಡುವುದು, ಸಭ್ಯ ನಾಗರಿಕರನ್ನಾಗಿ ಅವರನ್ನು ಸಜ್ಜುಗೊಳಿಸುವುದು. ಯಾವ ಕಾರಣದಿಂದಲೂ ಮಕ್ಕಳ ಶಿಕ್ಷಣ ವಿಷಯದಲ್ಲಿ ಯಾರೂ ಚೆಲ್ಲಾಟವಾಡಬಾರದು. ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ನಮ್ಮ ರಾಜ್ಯ ಸರ್ಕಾರ ಅಗತ್ಯ ಎಚ್ಚರವಹಿಸುವುದೆಂದು ನಿರೀಕ್ಷಿಸುತ್ತೇನೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.