ಟಿಕೆಟ್‌ ಚಿಂತಿ ಬಿಡಿ; ಪಕ್ಷದ ಕೆಲಸ ಮಾಡೋಣ: ಸಚಿವ ರಮೇಶ ಜಿಗಜಿಣಗಿ

7
ವಿಜಯಪುರ ಜಿಲ್ಲಾ ವಿಶೇಷ ಸಭೆ

ಟಿಕೆಟ್‌ ಚಿಂತಿ ಬಿಡಿ; ಪಕ್ಷದ ಕೆಲಸ ಮಾಡೋಣ: ಸಚಿವ ರಮೇಶ ಜಿಗಜಿಣಗಿ

Published:
Updated:
Deccan Herald

ವಿಜಯಪುರ: ‘ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಪಕ್ಷದ ವರಿಷ್ಠರು ಯಾರಿಗೆ ಟಿಕೆಟ್ ಕೊಡುತ್ತಾರೆ ಎಂಬುದು ಗೊತ್ತಿಲ್ಲ. ನನಗೆ ಕೊಟ್ಟರು ಅಷ್ಟೇ. ಬೇರೆಯವರನ್ನು ಗುರುತಿಸಿ ಕಣಕ್ಕಿಳಿಸಿದರೂ ಅಷ್ಟೇ. ಪಕ್ಷದ ಪರವಾಗಿ ನಾನು ಸೇರಿದಂತೆ ಎಲ್ಲರೂ ದುಡಿಯೋಣ’ ಎಂದು ಕೇಂದ್ರ ಸಚಿವ ರಮೇಶ ಜಿಗಜಿಣಗಿ ಮನವಿ ಮಾಡಿದರು.

‘ಅವರಿವರ ಮಾತುಗಳನ್ನು ಕೇಳಿ ಯಾವೊಬ್ಬ ಕಾರ್ಯಕರ್ತರು ಧೈರ್ಯ ಕಳೆದುಕೊಳ್ಳಬೇಡಿ. ಪಕ್ಷದ ಪರವಾಗಿ ಕೆಲಸ ಮಾಡೋಣ. ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ವಿಜಯಪುರ ಜಿಲ್ಲೆಯಲ್ಲಿ ವಿಜಯ ಪತಾಕೆ ಹಾರಿಸೋಣ. ಇದರ ಮೂಲಕ ನರೇಂದ್ರ ಮೋದಿ ಅವರನ್ನು ಎರಡನೇ ಬಾರಿಗೆ ಪ್ರಧಾನ ಮಂತ್ರಿಯನ್ನಾಗಿ ಮುಂದೆವರಿಸೋಣ’ ಎಂದು ನಗರದ ಗುರುದತ್ತ ಮಂಗಲ ಕಾರ್ಯಾಲಯದಲ್ಲಿ ಭಾನುವಾರ ನಡೆದ ಜಿಲ್ಲಾ ವಿಶೇಷ ಸಭೆಯಲ್ಲಿ ಹೇಳಿದರು.

‘ಪಕ್ಷದ ಕಾರ್ಯಕರ್ತರು ಬೂತ್ ಮಟ್ಟದಲ್ಲಿ ಸಶಕ್ತರಾಗಬೇಕು. ಸಂಘಟನೆ ದೃಷ್ಟಿಯಿಂದ ನೀಡುವ ಜವಾಬ್ದಾರಿಯನ್ನು ನಾವೆಲ್ಲರೂ ಸೇರಿ ಚಾಚೂ ತಪ್ಪದೆ ಪಾಲಿಸಬೇಕು. ಕಾಂಗ್ರೆಸ್‌ನ ವೈಫಲ್ಯಗಳನ್ನು ಎಲ್ಲರಿಗೂ ಮನದಟ್ಟು ಮಾಡಿಕೊಡಬೇಕು’ ಎಂದು ಸಭೆಯಲ್ಲಿ ಜಮಾಯಿಸಿದ್ದ ಪದಾಧಿಕಾರಿಗಳಿಗೆ ಕಿವಿಮಾತು ಹೇಳಿದರು.

‘ವಿಶ್ವವೇ ಮೋದಿಯನ್ನು ಸಮರ್ಥ ನಾಯಕ ಎಂದು ಒಪ್ಪಿಕೊಂಡು, ಮೆಚ್ಚುಗೆ ವ್ಯಕ್ತಪಡಿಸುತ್ತಿರುವ ದಿನಗಳಲ್ಲಿ, ಕೆಲ ನಾಯಿಗಳು ವಿನಾಃ ಕಾರಣ ಬೊಗುಳುತ್ತಿವೆ. ಇದರ ವಿರುದ್ಧ ಸಮರ ಸಾರಬೇಕು’ ಎಂದು ಜಿಗಜಿಣಗಿ ಕಾರ್ಯಕರ್ತರಿಗೆ ಹೇಳಿದರು.

ಮಾಜಿ ಶಾಸಕರಾದ ರಮೇಶ ಭೂಸನೂರ, ಉಪ ಮೇಯರ್ ಗೋಪಾಲ ಘಟಕಾಂಬಳೆ, ಬೆಳಗಾವಿ ವಿಭಾಗದ ಸಂಘಟನಾ ಕಾರ್ಯದರ್ಶಿ ಪಕ್ರಾಶ ಅಕ್ಕಲಕೋಟ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸಂಗರಾಜ ದೇಸಾಯಿ, ಮುಖಂಡರಾದ ಚಂದ್ರಶೇಖರ ಕವಟಗಿ, ವಿಜುಗೌಡ ಪಾಟೀಲ, ದಯಾಸಾಗರ ಪಾಟೀಲ, ಪಾಲಿಕೆ ಸದಸ್ಯರಾದ ಶಂಕರ ಕುಂಬಾರ, ರವೀಂದ್ರ ಲೋಣಿ, ರಾಹುಲ ಜಾಧವ, ಪ್ರಕಾಶ ಮಿರ್ಜಿ, ಜಿಲ್ಲಾ ಪಂಚಾಯ್ತಿ ಸದಸ್ಯರಾದ ಸಾಬು ಮಾಶ್ಯಾಳ, ಬಿ.ಆರ್‌.ಎಂಟಮಾನ, ಎಚ್.ಆರ್.ಮಾಚ್ಚಪ್ಪನವರ, ಮಲ್ಲಿಕಾರ್ಜುನ ಜೋಗುರ, ಮಂಡಲಗಳ ಅಧ್ಯಕ್ಷರಾದ ಶಿವರುದ್ರ ಬಾಗಲಕೋಟ, ಸಿದ್ದು ಬುಳ್ಳಾ, ಬಸವರಾಜ ಬಿರಾದಾರ, ಕಾಸುಗೌಡ ಬಿರಾದಾರ, ಎಂ.ಡಿ.ಕುಂಬಾರ, ಶಾರದಾ ಹಿರೇಮಠ, ಅಶ್ವಿನಿ ಪಟ್ಟಣಶೆಟ್ಟಿ, ಗೀತಾ ಕೂಗನೂರ, ಬಿ.ಕೆ.ಕಲ್ಲೂರ, ಟಿ.ಟಿ.ಹಗೆದಾಳ, ಮೋರ್ಚಾಗಳ ಅಧ್ಯಕ್ಷರು, ಪದಾಧಿಕಾರಿಗಳು ಸಭೆಯಲ್ಲಿದ್ದರು.

ವಿವೇಕಾನಂದ ಡಬ್ಬಿ ಸ್ವಾಗತಿಸಿದರು, ಜಿಲ್ಲಾ ಉಪಾಧ್ಯಕ್ಷ ಸುರೇಶ ಬಿರಾದಾರ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಆರ್.ಎಸ್.ಪಾಟೀಲ ಕೂಚಬಾಳ ನಿರೂಪಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !