ಸೋಮವಾರ, ಆಗಸ್ಟ್ 3, 2020
24 °C
ಕಿತ್ತಳೆ, ಮೂಸಂಬಿ ತುಟ್ಟಿ, ಹಸಿಮೆಣಸಿನ ಕಾಯಿ ಇಳಿಕೆ, ಮಾಂಸ ಬೆಲೆ ಯಥಾಸ್ಥಿತಿ

ತರಕಾರಿ, ಹೂವು ಧಾರಣೆ ಏರಿಳಿತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಚಾಮರಾಜನಗರ: ಮಾರುಕಟ್ಟೆಯಲ್ಲಿ ಈ ವಾರ ತರಕಾರಿ ಹಾಗೂ ಹೂವುಗಳ ಬೆಲೆಯಲ್ಲಿ ಏರಿಳಿತ ಕಂಡು ಬಂದಿದೆ. ಹಣ್ಣುಗಳ ಪೈಕಿ ಕಿತ್ತಳೆ ಮತ್ತು ಮೂಸಂಬಿ ಸ್ವಲ್ಪ ತುಟ್ಟಿಯಾಗಿದೆ.

ಹೂವುಗಳ ಪೈಕಿ ಚೆಂಡು ಹೂವು, ಕನಕಾಂಬರದ ಧಾರಣೆ ಇಳಿದಿದೆ. ಕಳೆದ ವಾರ ಕೆಜಿಗೆ ₹ 60 ಇದ್ದ ಚೆಂಡು ಹೂವು ಈ ವಾರ ₹ 40 ಆಗಿದೆ. ₹ 600 ಮಾರಾಟವಾಗುತ್ತಿದ್ದ ಕನಕಾಂಬರದ ಬೆಲೆ ₹ 400ಕ್ಕೆ ಇಳಿದಿದೆ. ಮೊಳ್ಳೆ ಹೂವಿನ ಬೆಲೆ ₹ 50 ಕುಸಿತ ಕಂಡಿದೆ.

ಶುಭಕಾರ್ಯ ಕಡಿಮೆ: ‘ಕಳೆದ ವಾರ ಶುಭ ಸಮಾರಂಭಗಳು, ಮದುವೆ ಕಾರ್ಯಕ್ರಮಗಳು ಹೆಚ್ಚು ನಡೆಯುತ್ತಿದ್ದವು. ಈಗ ದೇವಸ್ಥಾನಗಳಲ್ಲಿ ಅಮಾವಾಸ್ಯೆ ಪೂಜೆ ಮಾತ್ರವೇ ನೆರವೇರುತ್ತಿದೆ. ಇದರಿಂದ ಚೆಂಡು ಹೂವು, ಕನಕಾಂಬರಕ್ಕೆ ಬೇಡಿಕೆ ಇಲ್ಲ. ಹೀಗಾಗಿ ಬೆಲೆ ಕಡಿಮೆಯಾಗಿದೆ’ ಎಂದು ಹೂವಿನ ವ್ಯಾಪಾರಿ ಕೃಷ್ಣ ‘ಪ್ರಜಾವಾಣಿ’ಗೆ ಹೇಳಿದರು.

ತರಕಾರಿಗಳ ಪೈಕಿ ಹಾಪ್‌ಕಾಮ್ಸ್‌ನಲ್ಲಿ ಹಸಿಮೆಣಸಿನಕಾಯಿ, ಕ್ಯಾರೆಟ್‌, ಹಸಿ ಬಟಾಣಿ, ಹೀರೆಕಾಯಿ ಬೆಲೆ ಇಳಿಕೆಯಾಗಿದೆ. ಆಲೂಗೆಡ್ಡೆ, ಗೋರಿಕಾಯಿ, ಈರುಳ್ಳಿ ದರ ಹೆಚ್ಚಳವಾಗಿದೆ. ಕಳೆದ ವಾರ ಕೆಜಿಗೆ ₹ 80 ಇದ್ದ ಹಸಿಮೆಣಸಿನಕಾಯಿ ಬೆಲೆ ಸೋಮವಾರ ₹ 50ಕ್ಕೆ ಮಾರಾಟವಾಗುತ್ತಿತ್ತು.

‘ತಳ್ಳುಗಾಡಿಗಳಲ್ಲಿ ಮಾರುವ ತರಕಾರಿಗಳ ಧಾರಣೆಗೂ ಹಾಪ್‌ಕಾಮ್ಸ್‌ನ ಬೆಲೆಗೂ ವ್ಯತ್ಯಾಸವಿದೆ. ಅನೇಕ ತರಕಾರಿಗಳು ನಮ್ಮಲ್ಲಿ ಕಡಿಮೆ ಬೆಲೆಗೆ ಮಾರಾಟವಾದರೆ, ಅಲ್ಲಿ ಸ್ವಲ್ಪ ಜಾಸ್ತಿ ಇರುತ್ತದೆ. ಮಳೆ ಆರಂಭವಾಗಿರುವುದರಿಂದ ತರಕಾರಿ ಬೆಲೆ ಏರಿಳಿತ ಕಂಡು ಬರುತ್ತಿದೆ. ಒಂದು ದಿನದ ಧಾರಣೆ ಮತ್ತೊಂದು ದಿನ ಇರುವುದಿಲ್ಲ’ ಎನ್ನುತ್ತಾರೆ ಹಾಪ್‌ಕಾಮ್ಸ್‌ ವ್ಯಾಪಾರಿಗಳು.

ತೆಂಗಿನಕಾಯಿ ಒಂದರ ಬೆಲೆ ಹಾಪ್‌ಕಾಮ್ಸ್‌ನಲ್ಲಿ ಈ ವಾರ ಕಡಿಮೆಯಾಗಿದ್ದು, ಗಾತ್ರಕ್ಕೆ ತಕ್ಕಂತೆ ₹ 12ರಿಂದ ₹ 15ರ ವರೆಗೆ ಇದೆ. ಇತರೆ ಅಂಗಡಿಗಳಲ್ಲಿ ₹ 16ರಿಂದ ₹ 25ರ ವರೆಗೂ ಇದೆ. ನಿಂಬೆಹಣ್ಣು (ಒಂದಕ್ಕೆ) ಬೆಲೆ ₹ 4ರಿಂದ ₹ 8ರ ವರೆಗೂ ಇದೆ. 

ಹಣ್ಣುಗಳು: ಹಣ್ಣುಗಳ ಪೈಕಿ ಕಿತ್ತಳೆ ₹ 30, ಮೂಸಂಬಿ, ದಾಳಿಂಬೆ ₹ 20 ಹೆಚ್ಚಳವಾಗಿದೆ. ಉಳಿದಂತೆ ಯಾವುದೇ ಹಣ್ಣುಗಳ ಬೆಲೆಯಲ್ಲಿ ವ್ಯತ್ಯಾಸವಾಗಿಲ್ಲ.

ಮಾಂಸ ಯಥಾಸ್ಥಿತಿ: ಚಿಕನ್‌, ಮಟನ್‌, ಮೀನುಗಳ ಬೆಲೆಯಲ್ಲಿಯೂ ಬದಲಾವಣೆ ಕಂಡು ಬಂದಿಲ್ಲ.

ಮೊಟ್ಟೆ ಬೆಲೆ ಹೆಚ್ಚಳ ನಿರೀಕ್ಷೆ
ಮೊಟ್ಟೆ ಬೆಲೆಯಲ್ಲಿ ಕೊಂಚ ಇಳಿಕೆಯಾಗಿದೆ. ಸೋಮವಾರ 100 ಮೊಟ್ಟೆಗೆ ಮೊಟ್ಟೆ ₹ 355 ಇತ್ತು. ಕಳೆದ ವಾರ ₹ 386 ಇತ್ತು.

‘ಪ್ರತಿ ಮೂರು ದಿನಗಳಿಗೆ ಮೊಟ್ಟೆ ಧಾರಣೆ ಬದಲಾಗುತ್ತದೆ. ಈ ವಾರ ರಂಜಾನ್‌ ಹಬ್ಬ ಇರುವುದರಿಂದ ಬೆಲೆ ಹೆಚ್ಚಳವಾಗುವ ನಿರೀಕ್ಷೆ ಇದೆ’ ಎನ್ನುತ್ತಾರೆ ಮೊಟ್ಟೆ ವ್ಯಾಪಾರಿಗಳು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು