ಇದಲ್ಲದೇ ಇದೇ ರಸ್ತೆಯ ಆಸುಪಾಸು ವಾಸವಿರುವ ಸುಮಾರು ಹತ್ತು ಸಾವಿರ ನಿವಾಸಿಗಳಿಗೆ ಇದೊಂದೇ ಬಳಕೆಯ ರಸ್ತೆ. ರಸ್ತೆ ತುಂಬ ದೊಡ್ಡ ಗುಂಡಿಗಳು. ಮಳೆ ಆದಾಗ ರಸ್ತೆ ಮೇಲೆ ಪುಟ್ಟ ಕೆರೆಗಳು ರೂಪುಗೊಳ್ಳುತ್ತವೆ. ಸಂಚಾರಕ್ಕೆ ದ್ವಿಚಕ್ರವಾಹನ, ಕಾರು, ಸ್ಕೂಟರ್‌ ಮತ್ತು ಸೈಕಲ್‌ ಬಳಸುವ ಇಲ್ಲಿನ ನಿವಾಸಿಗಳ ಸ್ಥಿತಿ ಅಯೋಮಯ. ಕೊಂಚ ವ್ಯತ್ಯಾಸವಾದರೂ ಅನಾಹುತ ತಪ್ಪಿದ್ದಲ್ಲ. ಇದಕ್ಕೆ ಹೊಂದಿಕೊಂಡಂತೆ ಕೆಲವೇ ನೂರು ಮೀಟರ್‌ಗಳಷ್ಟು ದೂರಕ್ಕೆ ವರ್ತೂರು ಮುಖ್ಯ ರಸ್ತೆ ಇದೆ. ಇದರ ನಡುವಿನ ಒಂದು ಚಿಕ್ಕ ಪಟ್ಟಿಯಂತಿರುವ ಜಾಗ ವಿವಾದವೋ ಏನೋ ಅಂತೂ ಇಲ್ಲಿ ರಸ್ತೆ ಎಷ್ಟೋ ಸಮಯದಿಂದ ಅದ್ವಾನ ಸ್ಥಿತಿಯಲ್ಲಿದೆ. ಮಳೆ ಸುರಿದಾಗೆಲ್ಲ ಇಲ್ಲಿ ಬರಿ ಕೆಸರಿನಿಂದ ಕಚಿ ಪಿಚಿ ಎನ್ನುವಂತಿರುತ್ತದೆ.
