ನಕಲಿ ರಾಜನಿಗೆ 18 ವರ್ಷ ಸಜೆ

ಗುರುವಾರ , ಜೂನ್ 20, 2019
27 °C
ಕೋಟ್ಯಂತರ ರೂಪಾಯಿ ವಂಚನೆ

ನಕಲಿ ರಾಜನಿಗೆ 18 ವರ್ಷ ಸಜೆ

Published:
Updated:
Prajavani

ಮಿಯಾಮಿ: ಮೂವತ್ತು ವರ್ಷಗಳಿಂದ ಸೌದಿ ರಾಜಕುಮಾರ ಎಂದು ಹೇಳಿಕೊಂಡು ಇಲ್ಲಿನ ಜನರಿಗೆ ಅಂದಾಜು ₹ 55.67 ಕೋಟಿ (8 ಮಿಲಿಯನ್‌ ಡಾಲರ್‌) ವಂಚಿಸಿದ್ದ ಆರೋಪಿ ಆಂಥೊನಿ ಗಿಗ್ನ್ಯಾಕ್‌ಗೆ 18 ವರ್ಷ ಜೈಲು ಶಿಕ್ಷೆಗೆ ವಿಧಿಸಲಾಗಿದೆ.

ಸೌದಿ ರಾಜಕುಮಾರರಂತೆ ಐಷಾರಾಮಿ ಬದುಕು ಸಾಗಿಸುತ್ತಿದ್ದ. ಸುತ್ತ-ಮುತ್ತ ಅಂಗರಕ್ಷಕರನ್ನು ಹೊಂದಿದ್ದ ಈತ ಸೌದಿ ರಾಜಮನೆತನಕ್ಕೆ ಸಂಬಂಧಿಸಿದ ನಕಲಿ ಗುರುತುಪತ್ರಗಳನ್ನು ಹೊಂದಿದ್ದ. ಈತನನ್ನು ಸೌದಿ ರಾಜಮನೆತನದ ವ್ಯಕ್ತಿಯೆಂದು ನಂಬಿದ್ದ 12 ಮಂದಿ, ಹೂಡಿಕೆ ಮತ್ತಿತರ ಹೆಸರಿನಲ್ಲಿ ಈತನ ಖಾತೆಗೆ ಹಣ ಜಮೆ ಮಾಡಿದ್ದರು. 17-18 ವರ್ಷದವನಾಗಿದ್ದಾಗಲೇ ಹಲವಾರು ವಂಚನೆ ಪ್ರಕರಣಗಳಲ್ಲಿ ಬಂಧನಕ್ಕೊಳಗಾಗಿದ್ದ.

ರಿಯಲ್ ಎಸ್ಟೇಟ್‌ನಲ್ಲಿ ಹಣ ಹೂಡುವುದಾಗಿ ಹೇಳಿಕೊಂಡು ಜನರಿಂದ ಹಣ ವಸೂಲಿ ಮಾಡಿದ್ದ ಈತ ರಿಯಲ್ ಎಸ್ಟೇಟ್ ಡೆವಲಪರ್‌ಗಳ ಕೈಯಲ್ಲಿಯೇ ಸಿಕ್ಕಿಬಿದ್ದಿದ್ದ. ಹಂದಿ ಮಾಂಸ ತಿನ್ನುವುದು ಸೌದಿ ರಾಜರಿಗೆ ನಿಷಿದ್ಧ. ಆದರೆ ಈತ ಇಷ್ಟಪಟ್ಟು ಹಂದಿ ಮಾಂಸ ತಿನ್ನುತ್ತಿದ್ದ. ಇದರಿಂದ ಆತನ ಬಗ್ಗೆ ಹೂಡಿಕೆದಾರರಿಗೆ ಅನುಮಾನ ಮೂಡಿತ್ತು ಎಂದು ಮಿಯಾಮಿ ಹೆರಾಲ್ಡ್‌ ಪತ್ರಿಕೆ ವರದಿ ಮಾಡಿದೆ.

2017ರ ನವೆಂಬರ್‌ನಲ್ಲಿ ಪೊಲೀಸರು ಆಂಥೊನಿ ಗಿಗ್ನ್ಯಾಕ್‌ನನ್ನು ಬಂಧಿಸಿದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 2

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !