ರೆಫ್ರಿಜರೇಟರ್‌ನಿಂದ ಬರುವ ದುರ್ವಾಸನೆ ಹೋಗಲಾಡಿಸಲು ಸರಳ ಮನೆಮದ್ದುಗಳಿವು

ರೆಫ್ರಿಜರೇಟರ್‌ನಲ್ಲಿ ಆಹಾರ ಚೆಲ್ಲಿದ್ದರೆ ತಕ್ಷಣ ಸ್ವಚ್ಛಗೊಳಿಸಿ ಮತ್ತು ಕನಿಷ್ಠ ವಾರಕ್ಕೊಮ್ಮೆಯಾದರೂ ಎಲ್ಲಾ ಕಾಂಪಾರ್ಟ್‌ಮೆಂಟ್‌ಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸುವುದು ಅತ್ಯಗತ್ಯ.

ತಾಜಾ ಕಾಫಿ ಪುಡಿಯನ್ನು ಕಪ್‌ನಲ್ಲಿ ಹಾಕಿ ಫ್ರಿಡ್ಜ್ ಒಳಗೆ ಇಡುವುದರಿಂದ ಅದು ನೈಸರ್ಗಿಕ ಸುಗಂಧ ದ್ರವ್ಯದಂತೆ ಕೆಲಸ ಮಾಡಿ ಕೆಟ್ಟ ವಾಸನೆಯನ್ನು ಹೀರಿಕೊಳ್ಳುತ್ತದೆ.

ಸ್ವಚ್ಛಗೊಳಿಸಿದ ಫ್ರಿಡ್ಜ್‌ನಲ್ಲಿ ಬಟ್ಟಲಲ್ಲಿ ಬೇಕಿಂಗ್ ಸೋಡಾ ಇಡುವುದರಿಂದ ದುರ್ವಾಸನೆ ನಿವಾರಣೆಯಾಗುತ್ತದೆ. ಇದನ್ನು ತಿಂಗಳಿಗೊಮ್ಮೆ ಬದಲಾಯಿಸುವುದು ಸೂಕ್ತ.

ನಿಂಬೆ ಹಣ್ಣನ್ನು ಎರಡು ಭಾಗ ಮಾಡಿ ರೆಫ್ರಿಜರೇಟರ್‌ನ ವಿವಿಧೆಡೆ ಇಡುವುದರಿಂದ ದುರ್ವಾಸನೆ ಕಡಿಮೆಯಾಗುತ್ತದೆ; ಇದರೊಂದಿಗೆ ಸ್ವಲ್ಪ ಉಪ್ಪನ್ನು ಸೇರಿಸಿದರೆ ಇನ್ನಷ್ಟು ಉತ್ತಮ.

ಗುಲಾಬಿ ನೀರಿನಲ್ಲಿ ಹತ್ತಿಯನ್ನು ಅದ್ದಿ ಸ್ವಚ್ಛಗೊಳಿಸಿ ಮತ್ತು ಸಂದುಗಳನ್ನು ಉಪ್ಪು ಬೆರೆಸಿದ ಬೆಚ್ಚಗಿನ ನೀರಿನಿಂದ ಒರೆಸುವುದರಿಂದ ಫ್ರಿಡ್ಜ್ ತಾಜಾವಾಗಿರುತ್ತದೆ.