ನಗರಸಭೆ ಸ್ಥಾಯಿ ಸಮಿತಿಗೆ ಅಧ್ಯಕ್ಷರ ಆಯ್ಕೆ

7

ನಗರಸಭೆ ಸ್ಥಾಯಿ ಸಮಿತಿಗೆ ಅಧ್ಯಕ್ಷರ ಆಯ್ಕೆ

Published:
Updated:
ಗಂಗಾವತಿ ನಗರಸಭೆ ಸ್ಥಾಯಿ ಸಮಿತಿ ಅಧ್ಯಕ್ಷರಾಗಿ ರಾಚಪ್ಪ ಅವರು ಆಯ್ಕೆಯಾಗಿದ್ದಾರೆ. 

ಗಂಗಾವತಿ:  ಇಲ್ಲಿನ ನಗರಸಭೆಯ ಹಣಕಾಸು ಮತ್ತು ಸ್ಥಾಯಿ ಸಮಿತಿಯ ಅಧ್ಯಕ್ಷ ಸ್ಥಾನಕ್ಕೆ ಶನಿವಾರ ನಡೆದ ಆಯ್ಕೆ ಪ್ರಕ್ರಿಯೆಗೆ ಕಾಂಗ್ರೆಸ್ ಪಕ್ಷದ ಸದಸ್ಯರ ತೀವ್ರ ವಿರೋಧದ ಮಧ್ಯೆಯೂ ಬಿಜೆಪಿ ಸದಸ್ಯ ರಾಚಪ್ಪ ಸಿದ್ದಾಪುರ ಆವಿರೋಧ ಆಯ್ಕೆಯಾದರು.

ನಗರಸಭಾ ಅಧ್ಯಕ್ಷೆ ಸಣ್ಣ ಹುಲಿಗೆಮ್ಮ ನೇತೃತ್ವದಲ್ಲಿ ಸಭಾಂಗಣದಲ್ಲಿ ನಡೆದ ಅಧ್ಯಕ್ಷರ ಆಯ್ಕೆ ಸಭೆಯಲ್ಲಿ ಸ್ಥಾಯಿಸಮಿತಿ ಸದಸ್ಯರಾದ ದ್ರಾಕ್ಷಾಯಣಿ ಕುರುಗೋಡು, ಶಾಕೀರಾ ಶಬ್ಬೀರ್, ಮೌಸೀನ್ ಚಾವೂಸಾ, ರಾಚಪ್ಪ ಸಿದ್ದಾಪುರ ಪಾಲ್ಗೊಂಡಿದ್ದರು. ವೀರಭದ್ರಪ್ಪ ನಾಯಕ್ ಗೈರು ಹಾಜರಾಗಿದ್ದರು. ಅಧ್ಯಕ್ಷೆಯ ಸೂಚನೆ ಮೇರೆಗೆ ಪೌರಾಯುಕ್ತ ಖಾಜಾಮೋಹಿನುದ್ದೀನ್, ಸ್ಥಾಯಿ ಸಮಿತಿಗೆ ರಾಚಪ್ಪ ಸಿದ್ದಾಪುರ ಅವರನ್ನು ಆವಿರೋಧ ಆಯ್ಕೆ ಮಾಡಿದ್ದಾಗಿ ಘೋಷಣೆ ಮಾಡಿದರು.

ಈ ಸಂದರ್ಭದಲ್ಲಿ ಪ್ರಮುಖರಾದ ಕಾಮದೊಡ್ಡಿ ದೇವಪ್ಪ, ಉದ್ಯಮಿ ಸಿಂಗನಾಳ ಪಂಪಾಪತಿ, ಮನೋಹರ ಗೌಡ, ರಮೇಶ ಚೌಡ್ಕಿ, ಹನುಮಂತಪ್ಪ ನಾಯಕ್, ಜೋಗದ ನಾರಾಯಣಪ್ಪ ನಾಯಕ್, ಕೃಷ್ಣ ನಾಯಕ್, ಅಕ್ಕಿ ವಿಶ್ವ, ಸಹಾರ ರಾಘು, ಓಲಿ ರವಿ, ರಾಮಚಂದ್ರಪ್ಪ, ರಾಘವೇಂದ್ರ ಶೆಟ್ಟಿ, ಬಸವರಾಜ ಐಲಿ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !