ಕೆಲವೊಮ್ಮೆ ಅಡುಗೆ ಮಾಡಲು ಬೋರ್ ಹೊಡೆದಾಗ, ಬಿಸಿ ಅನ್ನಕ್ಕೆ ಮೆಂತ್ಯ ಗೊಜ್ಜುಪುಡಿ ಬೆರಸಿ, ತುಪ್ಪ ಹಾಕಿಕೊಂಡು ತಿಂದರೆ ಅದರ ಸವಿಯೇ ಬೇರೆ! ಆದರೆ ಮೆಂತ್ಯ ಗೊಜ್ಜುಪುಡಿ ಮಾಡುವುದು ಹೇಗೆ ಎಂಬ ಚಿಂತೆಯೇ? ಆ ಚಿಂತೆ ಬಿಡಿ!! ಪ್ರಜಾವಾಣಿ ನಿಮಗಾಗಿ ಮೆಂತ್ಯ ಗೊಜ್ಜುಪುಡಿ ಮಾಡುವುದು ಹೇಗೆ ಎಂಬ ರೆಸಿಪಿಯನ್ನು ತಂದಿದೆ. ವಿಡಿಯೊ ನೋಡುವ ಮೂಲಕ ಮೆಂತ್ಯ ಗೊಜ್ಜುಪುಡಿ ಮಾಡುವುದನ್ನು ಕಲಿಯಿರಿ.
ಮಾಡುವ ವಿಧಾನ: ಬಾಂಡ್ಲಿಯಲ್ಲಿ ಎಣ್ಣೆ ಬಿಸಿ ಮಾಡಿ ಮೆಂತ್ಯ, ಕಡಲೇಬೇಳೆ, ಗೋದಿ, ಉದ್ದಿನಬೇಳೆ, ತೊಗರಿಬೇಳೆ ಎಲ್ಲಾ ಸಾಮಗ್ರಿಗಳನ್ನು ಹುರಿದು ತಣ್ಣಗಾದ ನಂತರ ಸ್ವಲ್ಪ ಉಪ್ಪು ಸೇರಿಸಿ ಪುಡಿಮಾಡಿಕೊಳ್ಳಿ.
ಒಗ್ಗರಣೆಗೆ: ಸ್ವಲ್ಪ ಎಣ್ಣೆ, ಸಾಸಿವೆ, ಜೀರಿಗೆ, ಹಿಂಗು, 2 ಒಣಮೆಣಸಿನ ಕಾಯಿ, ಸ್ವಲ್ಪ ಬೆಲ್ಲ ಉಪ್ಪು, ಹಾಗೂ 1/4 ಚಮಚ ಹುಣಸೆರಸ ಸೇರಿಸಿ ಚೆನ್ನಾಗಿ ಕುದಿಸಿ ಮೆಂತ್ಯ ಪುಡಿಯೊಂದಿಗೆ ಒಗ್ಗರಣೆ ಮಿಶ್ರಣ ಮಾಡಿದರೆ ಮೆಂತ್ಯ ಗೊಜ್ಜು ಪುಡಿ ಬಡಿಸಲು ಸಿದ್ಧ.