ಅಮಿತಾವ್ ಘೋಷ್ ಇಂಗ್ಲಿಷ್ನಲ್ಲಿ ಬರೆಯುವ ಭಾರತದ ಮಹತ್ವದ ಲೇಖಕ. ಅವರ ‘ಶಾಡೋಲೈನ್ಸ್’ ಎಂಬ ಪ್ರಸಿದ್ಧ ಕಾದಂಬರಿಯನ್ನು ಎಂ.ಎಸ್. ರಘುನಾಥ್ ಕನ್ನಡಕ್ಕೆ ತಂದಿದ್ದಾರೆ. ‘ಈ ಕಾದಂಬರಿಯು ರಾಷ್ಟ್ರೀಯತೆ, ಅಂತರರಾಷ್ಟ್ರೀಯತೆ, ಸಾಂಸ್ಕೃತಿಕ ಹಾಗೂ ಚಾರಿತ್ರಿಕ ನಿರ್ಧಾರ – ಈ ಉದ್ದೇಶಗಳನ್ನು ಕುರಿತ ಚಿಂತನೆಯಾಗಿದೆ’ ಎಂದು ಅನುವಾದಕರು ತಮ್ಮ ಮಾತಿನಲ್ಲಿ ಕಾದಂಬರಿಯ ಕುರಿತಂತೆ ಹೇಳಿದ್ದಾರೆ. ಸ್ವತಂತ್ರ ರಾಷ್ಟ್ರದ ಕುರಿತ ಹತಾಶೆ, ಅಸಮಾಧಾನಗಳ ಕುರಿತ ನೋಟಗಳನ್ನು ಇದು ಕೊಡುತ್ತದೆ.