7
X

'ಪ್ರಜಾವಾಣಿ'ಯ ಜಾಲತಾಣವನ್ನು ಹೆಚ್ಚು ಓದುಗ ಸ್ನೇಹಿಯಾಗಿಸುವ ಉದ್ದೇಶದಿಂದ ಹೊಸ ವಿನ್ಯಾಸವನ್ನು ರೂಪಿಸಲಾಗಿದೆ.
ಈ ವಿನ್ಯಾಸದ ಕುರಿತ ನಿಮ್ಮ ಅಭಿಪ್ರಾಯಗಳನ್ನು ಇಲ್ಲಿರುವ ಲಿಂಕ್ ಕ್ಲಿಕ್ಕಿಸುವ ಮೂಲಕ ನಮಗೆ ತಿಳಿಸಬಹುದು

webfeedback@prajavani.co.in

ಅರುಣಾಚಲ ಪ್ರದೇಶದ 6 ಸ್ಥಳಗಳ ಹೆಸರು ಬದಲಿಸಿದ ಚೀನಾ

Published:
Updated:
ಅರುಣಾಚಲ ಪ್ರದೇಶದ 6 ಸ್ಥಳಗಳ ಹೆಸರು ಬದಲಿಸಿದ ಚೀನಾ

ನವದೆಹಲಿ: ಅರುಣಾಚಲ ಪ್ರದೇಶದ ವಿವಾದಿತ ಪ್ರದೇಶಗಳಿಗೆ ಟಿಬೆಟನ್‌ ಧರ್ಮಗುರು ದಲೈ ಲಾಮಾ ಭೇಟಿ ನೀಡಲು ಅನುಮತಿ ನೀಡಿದ ಭಾರತ ಸರ್ಕಾರದ ಕ್ರಮಕ್ಕೆ ವಿರೋಧ ವ್ಯಕ್ತಪಡಿಸಿದ್ದ ಚೀನಾ, ಈಗ ಅರುಣಾಚಲ ಪ್ರದೇಶದ 6 ಸ್ಥಳಗಳ ಹೆಸರು ಬದಲಿಸಿದೆ.

‘ಚೀನಾದ ‘ಸಾರ್ವಭೌಮತ್ವ’ವನ್ನು ಭಾರತಕ್ಕೆ ತೋರಿಸುವುದಕ್ಕಾಗಿ ದಕ್ಷಿಣ ಟಿಬೆಟ್‌ನ (ವಿವಾದಿತ ಅರುಣಾಚಲ ಪ್ರದೇಶದ ಭಾಗ) 6 ಸ್ಥಳಗಳ ಹೆಸರು ಬದಲಿಸಲಾಗಿದೆ’ ಎಂದು ಚೀನಾದ ಸರ್ಕಾರಿ ಸ್ವಾಮ್ಯದ ಮಾಧ್ಯಮ ಸಂಸ್ಥೆಯು ವರದಿ ಮಾಡಿದೆ.

ಚೀನಾದ ಅಧಿಕೃತ ನಕ್ಷೆಯಲ್ಲಿ ಈ 6 ಸ್ಥಳಗಳ ಹೆಸರನ್ನು ಬದಲಿಸಲಾಗಿದೆ. ‘ಚೀನಾಕ್ಕೆ ಸೇರಿರುವ, ಸದ್ಯ ಭಾರತದ ಹಿಡಿತದಲ್ಲಿರುವ ದಕ್ಷಿಣ ಟಿಬೆಟ್‌ನ 6 ಸ್ಥಳಗಳ ಹೆಸರನ್ನು ಬದಲಿಸಲಾಗಿದೆ. ಈ ಹೆಸರುಗಳನ್ನು ಅಧಿಕೃತಗೊಳಿಸಲಾಗಿದೆ’ ಎಂದು ಈ ವರದಿ ಹೇಳಿದೆ.

‘ವೋಗ್ಯೈನ್ಲಿಂಗ್‌ (Wo’gyainling), ಮಿಲ ರಿ (Mila Ri), ಕ್ಯೊಡೆನ್ಗರ್ಬೊ ರಿ (Qoidêngarbo Ri), ಮೈನ್ಕ್ಯುಕಾ (Mainquka), ಬುಮೊ ಲಾ (Bümo La) ಮತ್ತು ನಮ್ಕಾಪಬ್‌ ರಿ (Namkapub Ri) ಎಂದು ಹೆಸರು ಬದಲಿಸಲಾಗಿದೆ ಎಂದು ವರದಿಯಲ್ಲಿ ತಿಳಿಸಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry