ಕಿಚ್ಚ ಸುದೀಪ್ ಮತ್ತು ಅಮಲಾ ಪೌಲ್ ನಟಿಸಿರುವ 'ಹೆಬ್ಬುಲಿ' ಚಿತ್ರದಲ್ಲಿ 'ಉಸಿರೇ ಉಸಿರೇ' ಎಂಬ ಸುಂದರವಾದ ಹಾಡೊಂದಿದೆ. ಸ್ವಿಜರ್ಲ್ಯಾಂಡ್ನ ಮನೋಹರ ತಾಣಗಳಲ್ಲಿ ಚಿತ್ರೀಕರಿಸಲಾದ ಈ ಹಾಡನ್ನು ಹಾಡಿದ್ದು ಶ್ರೇಯಾ ಘೋಷಾಲ್ ಮತ್ತು ಶಾನ್.
ತೆಳ್ಳಗೆ ಬೆಳ್ಳಗೆ ನಗ್ತಾನೆ
ಯುದ್ಧಕೆ ನಿಂತರೆ ಮದ್ದಾನೆ
ಇವನು ಅಂದ್ರೆ ನನಗೆ ಪ್ರಾಣನೇ ...ಎಂದು ಆರಂಭವಾಗುವ ಈ ಹಾಡಿನಲ್ಲಿ ಸುದೀಪ್ ಮತ್ತು ಅಮಲಾ ತುಂಬಾನೇ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ.
ವಿಷಯ ಏನಪ್ಪಾ ಅಂದ್ರೆ ಈ ಹಾಡು ನಟಾಷಾ ಬೆಡಿಂಗ್ಫೀಲ್ಡ್ ಅವರ 'ಪಾಕೆಟ್ಫುಲ್ ಆಫ್ ಸನ್ಶೈನ್' ಹಾಡಿನ ರಾಗವನ್ನು ಹೋಲುತ್ತದೆ.
ಅಂದ ಹಾಗೆ 'ಹೆಬ್ಬುಲಿ' ಚಿತ್ರದ ಉಸಿರೇ ಉಸಿರೇ ಹಾಡು ಪಾಕೆಟ್ಫುಲ್ ಆಫ್ ಸನ್ಶೈನ್ ಹಾಡನ್ನು ಹೋಲುತ್ತದೆ ಎಂದು ಸಾಬೀತುಪಡಿಸುವ ವಿಡಿಯೊ 'ಸೆಂಚುರಿ ಗೌಡ' ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಆಗಿದೆ.
ಈ ಹಾಡುಗಳನ್ನು ಕೇಳಿದರೆ ಸಾಮ್ಯತೆ ಇರುವುದು ಸ್ಪಷ್ಟವಾಗುತ್ತದೆ.