ಕಿಚ್ಚ ಸುದೀಪ್ ಮತ್ತು ಮಮತಾ ಮೋಹನ್ ದಾಸ್ ಅಭಿನಯಿಸಿದ 'ಗೂಳಿ' ಚಿತ್ರದಲ್ಲಿ 'ಸುಮ್ ಸುಮ್ನೆ ಯಾಕೋ ತುಟಿಯಾ ಚುಂಬಿಸಿದೆ' ಎಂದು ಶುರುವಾಗುವ ಪ್ರಣಯ ಗೀತೆಯೊಂದಿದೆ.2008ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ನಿರ್ದೇಶಿಸಿದವರು ಪಿ.ಸತ್ಯ. 2012ರಲ್ಲಿ 'ಗೂಳಿ' ಚಿತ್ರ ತಮಿಳಿಗೆ ರಿಮೇಕ್ ಕೂಡಾ ಆಗಿತ್ತು.
ಅನೂಪ್ ಸೀಳಿನ್ ಸಂಗೀತ ನಿರ್ದೇಶನದಲ್ಲಿ ಮೂಡಿ ಬಂದ 'ಸುಮ್ ಸುಮ್ನೆ ಯಾಕೋ' ಹಾಡಿಗೂ ಧರಣಿ ನಿರ್ದೇಶನ 'ದಿಲ್' ತಮಿಳು ಚಿತ್ರದ ಹಾಡಿಗೂ ತುಂಬಾ ಸಾಮ್ಯತೆ ಇದೆ.
ನಾಯಕ ವಿಕ್ರಮ್, ನಾಯಕಿ ಲೈಲಾ ಜತೆ 'ಉನ್ ಸಮಯಲ್ ಅರಯಿಲ್' ಎಂದು ಹಾಡುವ ಡ್ಯುಯೆಟ್ ಹಾಡು ಅದು. 2001ರಲ್ಲಿ ತೆರೆಕಂಡ ಈ ಚಿತ್ರಕ್ಕೆ ಸಂಗೀತ ನಿರ್ದೇಶಿಸಿದ್ದು ವಿದ್ಯಾಸಾಗರ್.
