ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ದೋಸೆಯ ರುಚಿ ಹೆಚ್ಚಿಸುವ ಕೋಳಿಗಸ್ಸಿ!

Last Updated 2 ಜೂನ್ 2017, 10:33 IST
ಅಕ್ಷರ ಗಾತ್ರ
ADVERTISEMENT

ದೋಸೆಯನ್ನು ಸಾಗು, ಪಲ್ಯ ಅಥವಾ ಚಟ್ನಿ ಜೊತೆಗೆ ತಿನ್ನುವುದು ಸಾಮಾನ್ಯ. ಹದವಾದ ಕೋಳಿಗಸ್ಸಿಯಲ್ಲಿ ದೋಸೆ ತಿಂದರೆ ಅದರ ರುಚಿಯೇ ಬೇರೆ! ನೀವು ಕೂಡ ಕೋಳಿಗಸ್ಸಿ ಮಾಡುವುದನ್ನು  ಕಲಿಯಬೇಕಾದರೆ   ‘ಪ್ರಜಾವಾಣಿ ರೆಸಿಪಿ’ ನೋಡಿ.

1. ಬೇಯಿಸಿದ ಕೋಳಿ -          1/2 ಕೇಜಿ
2. ಉಪ್ಪು -                          ಸ್ವಲ್ಪ
3. ಎಣ್ಣೆ -                           4 ದೊಡ್ಡ ಚಮಚ
4. ಈರುಳ್ಳಿ –                      1
5. ಟೊಮ್ಯಾಟೋ -               1

ರುಬ್ಬುವುದಕ್ಕೆ (1)
1. ಬ್ಯಾಡಗಿ ಮೆಣಸಿನ ಕಾಯಿ  15
2. ಧನಿಯಾ ಕಾಳು -           1 ದೊಡ್ಡ ಚಮಚ
3. ಜೀರಿಗೆ ಕಾಳು -             1 ಚಮಚ
4. ಮೆಂತ್ಯ -                     1/2  ಚಮಚ
5. ಕರಿಮೆಣಸು -                 1/2 ಚಮಚ
6. ಚಕ್ಕೆ -                          2
7. ಲವಂಗ -                      2
8. ಈರುಳ್ಳಿ  -                     1
ಎಲ್ಲವನ್ನು ಒಂದು ಸ್ಪೂನ್ ಎಣ್ಣೆಯಲ್ಲಿ ಹುರಿದು ತಣ್ಣಗಾದ ನಂತರ ಸ್ವಲ್ಪ ನೀರಿನಲ್ಲಿ ರುಬ್ಬುವುದು.

ರುಬ್ಬುವುದು (2)
1. ತೆಂಗಿನ ತುರಿ -          1 ಕಪ್
2. ಬೆಳ್ಳುಳ್ಳಿ ಎಸಳು-        6
3. ಜೀರಿಗೆ -                 1/2 ಸ್ಪೂನ್
4. ಎಲ್ಲವನ್ನೂ ಚೆನ್ನಾಗಿ ರುಬ್ಬುವುದು

ಒಗ್ಗರಣೆಗೆ
1. ತುಪ್ಪ - ಒಂದು ದೊಡ್ದ ಚಮಚ
2. ಈರುಳ್ಳಿ ಹೆಚ್ಚಿದ್ದು - 1
ಮಾಡುವ ವಿಧಾನ: ಮೊದಲು ಎರಡು ವಿಧವಾದ ರುಬ್ಬಿದ ಮಿಶ್ರಣವನ್ನು ರೆಡಿ ಮಾಡಿಕೊಳ್ಳಿ:
1. ಬಾಣಲೆಯಲ್ಲಿ ಒಂದು ಸ್ಪೂನ್ ಎಣ್ಣೆ ಬಿಸಿ ಮಾಡಿ, ಬ್ಯಾಡಿಗೆ ಮೆಣಸು, ಧನಿಯಾ ಕಾಳು, ಜೀರಿಗೆ ಕಾಳು, ಮೆಂತ್ಯ, ಕರಿಮೆಣಸು, ಚೆಕ್ಕೆ, ಲವಂಗ, ಹೆಚ್ಚಿದ ಈರುಳ್ಳಿ ಎಲ್ಲವನ್ನೂ ಒಂದೊಂದಾಗಿ ಹುರಿಯಿರಿ. ತಣ್ಣಗಾದ ಮೇಲೆ ಸ್ವಲ್ಪ ನೀರು ಸೇರಿಸುತ್ತಾ ರುಬ್ಬಿಕೊಳ್ಳಿ. ರುಬ್ಬಿಕೊಂಡ ಈ ಮಸಾಲೆಯನ್ನು ಪಕ್ಕಕ್ಕಿಡಿ.
2. ತೆಂಗಿನ ತುರಿ, ಬೆಳ್ಳುಳ್ಳಿ ಎಸಳು, ಜೀರಿಗೆ ಎಲ್ಲವನ್ನೂ ಒಟ್ಟಾಗಿ ಹಾಕಿ ಚೆನ್ನಾಗಿ ರುಬ್ಬಿ. ಇದನ್ನೂ ಪಕ್ಕಕ್ಕಿಡಿ. ಈಗ, ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ, ಸ್ವಲ್ಪ ಹೆಚ್ಚಿದ ಈರುಳ್ಳಿ, ಸ್ವಲ್ಪ ಟೊಮ್ಯಾಟೊ, ರುಬ್ಬಿದ ಒಂದನೇ ಮಿಶ್ರಣ, ಚಿಕನ್, 1 1/2 ಕಪ್ ನೀರು, ಉಪ್ಪು ಸೇರಿಸಿ ಚೆನ್ನಾಗಿ ಕುದಿಸಿ. ನಂತರ ರುಬ್ಬಿದ 2ನೇ ಮಿಶ್ರಣವನ್ನು ಸೇರಿಸಿ. ಜೊತೆಗೆ ಉಳಿದ ಟೊಮ್ಯಾಟೊ ಸೇರಿಸಿ ಚೆನ್ನಾಗಿ ಕುದಿಸಿ. ಹೆಚ್ಚಿದ ಈರುಳ್ಳಿಯನ್ನು ತುಪ್ಪದಲ್ಲಿ ಹುರಿದು ಬೇಯುತ್ತಿರುವ ಕೋಳಿ ಗಸ್ಸಿಗೆ ಸೇರಿಸಿ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT