ಜಿಎಸ್‌ಟಿ: ಚಿನ್ನದ ದರ ಇಂದು ನಿಗದಿ

ಚಿನ್ನ, ಜವಳಿ, ಬಿಸ್ಕಿಟ್, ಪಾದರಕ್ಷೆ, ಬೀಡಿ, ಕೃಷಿ ಉತ್ಪನ್ನಗಳು ಹಾಗೂ ಅಮೂಲ್ಯ ವಸ್ತುಗಳಾದ ಹರಳು, ನಾಣ್ಯ ಮತ್ತು ಚಿನ್ನಾಭರಣಗಳಿಗೆ ತೆರಿಗೆ ದರ ನಿಗದಿಪಡಿಸಲಿದೆ. ಚಿನ್ನಾಭರಣ ಸೇರಿದಂತೆ ಅತ್ಯಮೂಲ್ಯ ವಸ್ತುಗಳಿಗೆ ಶೇ 4 ರಷ್ಟು ತೆರಿಗೆ ದರ ನಿಗದಿಮಾಡುವಂತೆ ಕೆಲವು ರಾಜ್ಯಗಳು ಒತ್ತಾಯಿಸಿವೆ. ಸದ್ಯಕ್ಕೆ ಶೇ 2 ರಷ್ಟು ತೆರಿಗೆ ದರ ಇದೆ.

ಪ್ರತಿ ಕೆ.ಜಿಗೆ ₹100ಕ್ಕಿಂತಲೂ ಕಡಿಮೆ ದರ ಇರುವ ಬಿಸ್ಕಿಟ್‌ಗಳಿಗೆ ತೆರಿಗೆಯಿಂದ ವಿನಾಯಿತಿ ನೀಡಬೇಕು ಎಂದು  ಶ್ರೀನಗರದಲ್ಲಿ ನಡೆದಿದ್ದ ಸಭೆಯಲ್ಲಿ ಕೆಲವು ರಾಜ್ಯಗಳು ಒತ್ತಾಯಿಸಿದ್ದವು. ಆದರೆ ಬಿಸ್ಕಿಟ್‌ ಅನ್ನು ಶೇ 12 ರ ತೆರಿಗೆ  ದರದ ವ್ಯಾಪ್ತಿಗೆ ತರಲು ಕೇಂದ್ರ ಸರ್ಕಾರ ಮುಂದಾಗಿದೆ.

ಸದ್ಯಕ್ಕೆ, ಪ್ರತಿ ಕೆ.ಜಿಗೆ ₹100 ಕ್ಕಿಂತ ಕಡಿಮೆ ಬೆಲೆ ಇರುವ ಬಿಸ್ಕಿಟ್‌ಗೆ ಸೀಮಾ ಸುಂಕ ವಿಧಿಸುತ್ತಿಲ್ಲ. ರಾಜ್ಯಗಳು ‘ವ್ಯಾಟ್‌’ ವಿಧಿಸುತ್ತಿವೆ.  ಜುಲೈ 1 ರಿಂದ ಜಿಎಸ್‌ಟಿ ಜಾರಿಗೆ ಬರಲಿದೆ.