ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮಕ್ಕಳ ಪದ್ಯಗಳು

Last Updated 3 ಜೂನ್ 2017, 19:30 IST
ಅಕ್ಷರ ಗಾತ್ರ

ಸೊಕ್ಕಿನ ಬೆಕ್ಕು

ನಮ್ಮ ಮನೆಯ ಬೆಕ್ಕು
ಅದಕೆ ಬಹಳ ಸೊಕ್ಕು
ಅಡುಗೆ ಮನೆ ಹೊಕ್ಕು
ಕದ್ದು ಹಾಲು ನೆಕ್ಕು

ಪುಟ್ಟುಗಿಟ್ಟ ಹಾಲು
ಆಯ್ತು ಬೆಕ್ಕ ಪಾಲು
ಅಮ್ಮ ಬಂದು ನೋಡಲು
ಬಹಳ ಸಿಟ್ಟು ಬರಲು

ಕೈಗೆ ಬಂತು ಸೌಟು
ಬಿತ್ತು ಎರಡು ಪೆಟ್ಟು
ಕುಣಿದಾಡಿತು ಪುಟ್ಟು
ಇಳಿಯಿತು ಅಮ್ಮನ ಸಿಟ್ಟು

-ಪಿ. ಜಯವಂತ ಪೈ, ಕುಂದಾಪುರ
****

ಅಪ್ಪ–ಅಮ್ಮ ಬೈತಾರೆ

ಮಾತೇ ಕೇಳಲ್ಲಂತ

ಅಪ್ಪ–ಅಮ್ಮ ಬೈತಾರೆ
ಮಕ್ಕಳ ಮಾತನ್ನ ಯಾವ
ಅಪ್ಪ–ಅಮ್ಮ ಕೇಳ್ತಾರೆ?

ಅಂಕ ಅಂಕ ಅನ್ನೋ ವಂಕಿ
ಹಿಡಿದೇ ಇರ್ತಾರೆ
ಜ್ವರ ಏರಿ ಮಲಕೊಂಡಿದ್ರು
ಓದು ಅಂತಾರೆ

ಹಾಡು ಕುಣಿತ
ಕುಂಚ ಬಣ್ಣ ಎಸೆದುಬಿಡ್ತಾರೆ
ಅ ಆ ಇ ಈ ಬಿಡಿಸಿ
ಎ ಬಿ ಸಿ ಡಿ ಬರಸ್ತಾರೆ

ಬೇಡದಿರುವ ಒಡವೆ
ವಸ್ತ್ರ ರಗಡು ತರ್ತಾರೆ
ತಿದ್ದು ತೀಡು ಅಂತ
ನಿತ್ಯ ಜೀವ ತಿಂತಾರೆ

ಮಣ್ಣಲ್ಲಿ ಆಟ ಆಡ್ತಾ ಇದ್ರೆ
ಎಳಕೊಂಡ ಹೋಗ್ತಾರೆ.
ಸಸಿ ನೆಡೋದ ಬಿಡ್ಸಿ
ಪರಿಸರ ಪಾಠ ಮಾಡ್ತಾರೆ.

ಅಪ್ಪ–ಅಮ್ಮ ಬೈತಾರೆ
ನೀವು ಬೈತೀರಾ ?
ಬಾಲ್ಯ ಕಳೆದು ಹೋದ್ಮೇಲೆ
ತಂದು ಕೊಡ್ತೀರಾ?
ವಿನಾಯಕ ರಾ. ಕಮತದ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT