ಆದಿತ್ಯನಾಥ ಯೋಗಿಗೆ 16 ಅಡಿ ಉದ್ದದ ಸೋಪು ಕಳಿಸಲು ದಲಿತ ಸಂಘಟನೆ ನಿರ್ಧಾರ

ದಲಿತರನ್ನು ಭೇಟಿ ಮಾಡಲು ಬರುವ ಮುನ್ನ ಆದಿತ್ಯನಾಥ ಅವರು ಈ ಸೋಪಿನಿಂದ ಸ್ನಾನ ಮಾಡಿಕೊಂಡು ಬರಲಿ ಎಂದು  ಗುಜರಾತಿನ ಡಾ. ಅಂಬೇಡ್ಕರ್ ವೆಚನ್ ಪ್ರತಿಬಂಧ್ ಸಮಿತಿ ಹೇಳಿದೆ.

ಆದಿತ್ಯನಾಥ ಯೋಗಿ ಅವರ ಧೋರಣೆ ನೋಡಿದರೆ ಅವರೊಬ್ಬ ಮನುವಾದಿ. ಹಾಗಾಗಿ ಅವರು ದಲಿತರನ್ನು ಭೇಟಿ ಮಾಡುವ ಮುನ್ನ ಆ ಕೊಳೆಯನ್ನು ತೊಳದುಕೊಂಡು ಬರಲಿ ಎಂದು ಸಮಿತಿ ಸದಸ್ಯ ಕೃತಿ ರಾಥೋಡ್ ಮತ್ತು ಕಾಂತಿಲಾಲ್ ಪರಾಮರ್ ಹೇಳಿದ್ದಾರೆ.

ಅಹಮದಾಬಾದ್ ಮೂಲದ ಎನ್‍ಜಿಒ ನವ್ಸರ್ಜನ್ ಜತೆ ಸೇರಿ ದಲಿತ ಸಂಘಟನೆ ಈ ಸೋಪು ತಯಾರಿಸಲಿದೆ.

ಸೋಪನ್ನು ದಲಿತ ಸಮುದಾಯದಲ್ಲಿ ಅತೀ ಕೆಳಮಟ್ಟದಲ್ಲಿರುವವರು ಎಂದು ಪರಿಗಣಿಸಲಾಗುತ್ತಿರುವ ಬಾಲ್ಮಿಕಿ ಜಾತಿಯ ಮಹಿಳೆಯೊಬ್ಬರು ತಯಾರಿಸಲಿದ್ದಾರೆ. ಆದಾಗ್ಯೂ, 16 ಅಡಿ ಉದ್ದವಿರುವ ಸೋಪು ಯಾಕೆ ಎಂಬುದರ ಬಗ್ಗೆ ಸಮಿತಿ ವಿವರಣೆ ನೀಡಿಲ್ಲ.