‘ಪ್ರಜಾವಾಣಿ’ ಸ್ಕಾಲರ್‌ಶಿಪ್ ಪಡೆದ ವಿದ್ಯಾರ್ಥಿಗಳ ಅನಿಸಿಕೆ

7

‘ಪ್ರಜಾವಾಣಿ’ ಸ್ಕಾಲರ್‌ಶಿಪ್ ಪಡೆದ ವಿದ್ಯಾರ್ಥಿಗಳ ಅನಿಸಿಕೆ

Published:
Updated:
‘ಪ್ರಜಾವಾಣಿ’ ಸ್ಕಾಲರ್‌ಶಿಪ್ ಪಡೆದ ವಿದ್ಯಾರ್ಥಿಗಳ ಅನಿಸಿಕೆ

ವಿದ್ಯಾರ್ಥಿ ಸಹಾಯನಿಧಿ ತುಂಬಾ ನೆರವಾಗಿದೆ. ಕಾಲೇಜು ಶುಲ್ಕ ಪಾವತಿಸಲು ಮತ್ತು ಶೈಕ್ಷಣಿಕ ಸಾಮಗ್ರಿ ಖರೀದಿಸಲು ಉಪಯೋಗವಾಯಿತು. ಪ್ರಥಮ ಪಿಯುಸಿಯಲ್ಲಿ ಶೇ 92 ಅಂಕ ಸಿಕ್ಕಿದೆ. ಬಡವರಿಗೆ ನೆರವಾಗುವ ಒಳ್ಳೆಯ ಯೋಜನೆ ಇದು. ಪತ್ರಿಕೆಗೆ ತುಂಬು ಕೃತಜ್ಞತೆ ಅರ್ಪಿಸುತ್ತೇನೆ.

-ಪ್ರಶಾಂತ್‌ ನಾಗೇಂದ್ರ, ತಾವರಗೇರಾ, ಕುಷ್ಟಗಿ ತಾಲ್ಲೂಕು, ಕೊಪ್ಪಳ ಜಿಲ್ಲೆ

*



ಮರಿಮಲ್ಲಪ್ಪ ವಿಜ್ಞಾನ ಕಾಲೇಜಿಗೆ ಪ್ರವೇಶ ಪಡೆದಿದ್ದೆ, ‘ಪ್ರಜಾವಾಣಿ– ಡೆಕ್ಕನ್‌ಹೆರಾಲ್ಡ್’ ನೀಡಿದ ಆರ್ಥಿಕ ನೆರವಿನಿಂದ ಟ್ಯೂಷನ್‌ ಪಡೆಯಲು, ಪುಸ್ತಕ ಕೊಳ್ಳಲು ಅನುಕೂಲವಾಯಿತು. ಪಿಯು ಪ್ರಥಮ ವರ್ಷದಲ್ಲಿ ಶೇ 85 ಅಂಕಗಳಿಸಿದ್ದೇನೆ. ದ್ವಿತೀಯ ಪಿಯುಸಿಯಲ್ಲಿ ಇನ್ನೂ ಹೆಚ್ಚು ಅಂಕಗಳಿಸಿ ಎಂಜಿನಿಯರ್‌ ಆಗುವೆ.

-ಎಸ್‌.ಸೋನಾಲಿ,ವಿದ್ಯಾರಣ್ಯಪುರಂ, ಮೈಸೂರು

*



ಪ್ರಜಾವಾಣಿ ಸಹಾಯಧನ ನೀಡಿದ ಕಾರಣ ನಾನು ಮಂಡ್ಯದ ಸೇಂಟ್‌ ಜಾನ್‌ಅಂತಹ ಪ್ರತಿಷ್ಠಿತ ಕಾಲೇಜಿನಲ್ಲಿ ಓದಲು ಸಾಧ್ಯವಾಯಿತು. ಪ್ರಜಾವಾಣಿ ಪತ್ರಿಕೆಯ ಸಹಾಯ ಪಡೆದಿದ್ದಕ್ಕೆ ನನಗೆ ಬಹಳ ಸಂತೋಷವಾಗಿದೆ. ಓದಿ ದೊಡ್ಡವನಾದ ಮೇಲೆ ನಾನು ಸಹಾಯ ಮಾಡುವ ಗುಣ ಬೆಳೆಸಿಕೊಳ್ಳುತ್ತೇನೆ.

-ಎಚ್‌.ಎಂ.ಪ್ರಜ್ವಲ್‌ಗೌಡ, ಮಂಡ್ಯ

*



ಎಸ್ಸೆಸ್ಸೆಲ್ಸಿಯಲ್ಲಿ ಉತ್ತಮ ಅಂಕ ಪಡೆದು ಪಾಸಾದಾಗ, ಮುಂದಿನ ವಿದ್ಯಾಭ್ಯಾಸಕ್ಕೆ ಆರ್ಥಿಕ ಬಿಕ್ಕಟ್ಟು ಎದುರಾಗಿತ್ತು. ಆ ಸಂದರ್ಭದಲ್ಲಿ ಸಹಾಯಧನ ದೊರೆತು  ಸಹಕಾರಿಯಾಗಿದೆ. ಈಗ ಪ್ರಥಮ ಪಿಯುಸಿಯಲ್ಲಿ (ಪಿ.ಸಿ.ಎಂ.ಬಿ) ಶೇ 93.50 ಅಂಕ ಪಡೆದಿದ್ದೇನೆ.

-ಸಹನಾ ಜೊಂಜಾಳೆ, ಇಟಗಿ, ಬೆಳಗಾವಿ ಜಿಲ್ಲೆ

*



 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry