ಮಹಾರಾಷ್ಟ್ರದ ಕರಾವಳಿ ಕೊಂಕಣ ಪ್ರಾಂತ್ಯದ ಮಾಲ್ವಾನ್‌ ತಾಲ್ಲೂಕಿನ ವಾರಡ್‌ ಗ್ರಾಮವು ಬೀಚ್‌, ವಿಶೇಷ ಆಹಾರ ಶೈಲಿ, ವಿಭಿನ್ನ ಸಂಸ್ಕೃತಿ ಹಾಗೂ ಪ್ರವಾಸೋದ್ಯಮದಿಂದ ಗಮನಸೆಳೆದಿದೆ. ಲಿಯೊ ಇದುವರೆಗೆ ವಾರಡ್‌ಗೆ ಭೇಟಿ ನೀಡಿಲ್ಲ. ಶುಕ್ರವಾರ ಫಲಿತಾಂಶ ಪ್ರಕಟಗೊಳ್ಳುತ್ತಿದ್ದಂತೆಯೇ, ಸ್ನೇಹಿತರು ಲಿಯೊ ಭಾವಚಿತ್ರದ ಮುಂದೆ ಕೇಕ್‌ ಕತ್ತರಿಸಿ ಸಂತಸ ಪಟ್ಟರು. ಮತ್ತೊಂದೆಡೆ ಬೊರಿವಿಲಿಯಲ್ಲಿ ನೆಲೆಸಿರುವ ಇವರ 60 ಸಂಬಂಧಿಕರು ಫಲಿತಾಂಶಕ್ಕಾಗಿ ಟಿವಿ ಎದುರು ಕುಳಿತಿದ್ದರು. ಲಿಯೊ ಗೆಲುವು ಖಾತ್ರಿಯಾಗುತ್ತಿದ್ದಂತೆಯೇ, ಕೇಕ್‌ ಕತ್ತರಿಸಿ, ಪಟಾಕಿ ಸಿಡಿಸಿ ಸಂತಸಪಟ್ಟರು.
