ಸುಂದರವಾಗಿ ಕಾಣಲು ಜನ ಏನು ಬೇಕಾದರೂ ಮಾಡುತ್ತಾರೆ. ಅದಕ್ಕೆ ತಕ್ಕಂತೆ ಈಗಂತೂ ಕಿವಿಗೆ, ತುಟಿಗೆ, ಮೂಗಿಗೆ, ಹಣೆಗೆ, ಅಷ್ಟೇ ಏಕೆ, ಕಣ್ಣಿಗೂ ಸಾಕಷ್ಟು ವಿನ್ಯಾಸದ ಆಭರಣಗಳು ಬಂದಿವೆ. ಈ ವಿಷಯದಲ್ಲಿ ಜನರೂ ಹಲವು ಪ್ರಯೋಗಗಳನ್ನು ಮಾಡುತ್ತಾರೆ.
ಆದರೆ ಈ ಪ್ರಯೋಗ ಮಾತ್ರ ಬೆಚ್ಚಿ ಬೀಳಿಸುವುದು ಗ್ಯಾರಂಟಿ. ಕಣ್ಣಿನ ಒಳಗೆ ಆಭರಣ ಹಾಕುವ ‘ಎಕ್ಸ್ಟ್ರಾಕ್ಯುಲರ್ ಇಂಪ್ಲಾಂಟಿಂಗ್’ ಇದು.
ಅಪಾಯಕಾರಿ ಎನ್ನಿಸಿಕೊಂಡಿರುವ ಈ ಐಬಾಲ್ ಜ್ಯುವೆಲ್ಲರಿ ಹೆಚ್ಚು ಪ್ರಚಲಿತದಲ್ಲಿರುವುದು ನೆದರ್ಲೆಂಡ್ನಲ್ಲಿ.
ಇದನ್ನು ಅಳವಡಿಸುವ ಪ್ರಕ್ರಿಯೆಯೂ ಅಪಾಯಕಾರಿಯೇ. ಎರಡೂ ಕಣ್ಣುಗಳಿಗೆ ಅರಿವಳಿಕೆ ನೀಡಿದ ನಂತರ ಕಣ್ಣಿನ ಒಳಗೆ ಆಭರಣವನ್ನು ಕೂರಿಸಲಾಗುತ್ತದೆ.
ಪ್ಲಾಟಿನಂನಲ್ಲಿ ಹೃದಯ, ಸಂಗೀತ ಸ್ವರ, ನಕ್ಷತ್ರದ ಆಕಾರಗಳಲ್ಲಿ 3 ಎಂ.ಎಂ ಅಳತೆಯಲ್ಲಿರುತ್ತದೆ. ಒಂದು ವರ್ಷದವರೆಗೂ ಈ ಆಭರಣ ಕಣ್ಣಿನಲ್ಲೇ ಉಳಿಯಬಲ್ಲದಂತೆ.