ತಂಬಾಕು ಸೇವಿಸುವ ಯುವ ಜನರ ಪ್ರಮಾಣದಲ್ಲಿ ಇಳಿಕೆ

7

ತಂಬಾಕು ಸೇವಿಸುವ ಯುವ ಜನರ ಪ್ರಮಾಣದಲ್ಲಿ ಇಳಿಕೆ

Published:
Updated:
ತಂಬಾಕು ಸೇವಿಸುವ ಯುವ ಜನರ ಪ್ರಮಾಣದಲ್ಲಿ ಇಳಿಕೆ

ನವದೆಹಲಿ: ದೇಶದ ಒಟ್ಟು ತಂಬಾಕು ಸೇವಿಸುವವರ ಸಂಖ್ಯೆಯಲ್ಲಿ 81 ಲಕ್ಷದಷ್ಟು ಇಳಿಕೆಯಾಗಿರುವುದು ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ಅಂಕಿಅಂಶಗಳಿಂದ ತಿಳಿದುಬಂದಿದೆ. ಈ ಪೈಕಿ ತಂಬಾಕು ಸೇವಿಸುವ ಯುವಜನರ ಪ್ರಮಾಣ ಕಳೆದ ಕೆಲ ವರ್ಷಗಳಲ್ಲಿ ಗಣನೀಯವಾಗಿ ಇಳಿಕೆಯಾಗಿದೆ.

15 ವರ್ಷ ವಯಸ್ಸಿನಿಂದ 24 ವರ್ಷ ವಯಸ್ಸಿನ ಒಳಗಿನ ತಂಬಾಕು ಸೇವಿಸುವವರ ಪ್ರಮಾಣ 2016–17ನೇ ಸಾಲಿನಲ್ಲಿ ಶೇಕಡ 12.4ಕ್ಕೆ ಇಳಿಕೆಯಾಗಿದೆ. ಇದು 2009–10ರಲ್ಲಿ ಶೇಕಡ 18.4ರಷ್ಟಿತ್ತು.

‘ತಂಬಾಕು ಸೇವಿಸುವ ಯುವಜನರ ಪ್ರಮಾಣ ಇಳಿಕೆಯಾಗಿರುವುದು ಸಂತಸ ಮೂಡಿಸಿದೆ’ ಎಂದು ಆರೋಗ್ಯ ಸಚಿವ ಜೆ.ಪಿ. ನಡ್ಡಾ ತಿಳಿಸಿದ್ದಾರೆ. ಜಾಗತಿಕ ತಂಬಾಕು ನಿಯಂತ್ರಣಕ್ಕಾಗಿನ ‘ವಿಶೇಷ ಗುರುತಿಸುವಿಕೆ’ ಪ್ರಶಸ್ತಿಯನ್ನು ವಿಶ್ವ ಆರೋಗ್ಯ ಸಂಸ್ಥೆಯ ಮಹಾಪ್ರಧಾನ ನಿರ್ದೇಶಕರಿಂದ ಅವರು ಸ್ವೀಕರಿಸಿದ್ದಾರೆ.

ಆದಾಗ್ಯೂ, ದೇಶದಲ್ಲಿ ತಂಬಾಕು ಸೇವಿಸುವವರ ಹೆಚ್ಚಿದೆ. 20 ಕೋಟಿಗೂ ಹೆಚ್ಚು ಜನ ತಂಬಾಕು ಮತ್ತು ತಂಬಾಕಿನಿಂದ ತಯಾರಿಸಿದ ಉತ್ಪನ್ನಗಳನ್ನು ಸೇವಿಸುತ್ತಾರೆ ಎನ್ನಲಾಗಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry