ನವದೆಹಲಿ: ಉಪ್ಪಿನಕಾಯಿ, ಸಾಸಿವೆ ಸಾಸ್, ಸ್ಕೂಲ್ ಬ್ಯಾಗ್, ₹ 100 ವರೆಗಿನ ಸಿನಿಮಾ ಟಿಕೆಟ್ ಸೇರಿದಂತೆ 66 ಸರಕುಗಳ ಮೇಲಿನ ಸರಕು ಮತ್ತು ಸೇವಾ ತೆರಿಗೆಗಳನ್ನು (ಜಿಎಸ್ಟಿ) ತಗ್ಗಿಸಲಾಗಿದೆ.
ಭಾನುವಾರ ನಡೆದ ಜಿಎಸ್ಟಿ ಮಂಡಳಿ 16ನೆ ಸಭೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಗಿದೆ. ಸಣ್ಣ ಉದ್ದಿಮೆದಾರರಿಗೆ ಪರಿಹಾರ ಒದಗಿಸಲಾಗಿದೆ.
‘ಉದ್ಯಮ ವಲಯದಿಂದ ಪಡೆದ ಮಾಹಿತಿ ಆಧರಿಸಿ ಈ ತೆರಿಗೆ ದರಗಳನ್ನು ಇಳಿಸಲಾಗಿದೆ. ಏಕರೂಪತೆ ಕಾಯ್ದುಕೊಳ್ಳಲು ಮತ್ತು ಸರಕುಗಳ ಬಳಕೆ ಪ್ರಮಾಣ ಆಧರಿಸಿ ಈ ನಿರ್ಧಾರಕ್ಕೆ ಬರಲಾಗಿದೆ’ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ತಿಳಿಸಿದರು.