ವಿರಾಜಪೇಟೆ: ಪಟ್ಟಣ ಹಾಗೂ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಶನಿವಾರ ರಾತ್ರಿಯಿಡಿ ಉತ್ತಮ ಮಳೆಯಾಗುವ ಮೂಲಕ ಮುಂಗಾರು ಚುರುಕುಗೊಂಡಿದೆ. ವಿರಾಜಪೇಟೆ ಪಟ್ಟಣ, ದೇವಗೇರಿ, ಕಾಕೋಟುಪರಂಬು, ಮೈತಾಡಿ, ಕದನೂರು, ಕೆದಮುಳ್ಳೂರು, ಹೆಗ್ಗಳ, ರಾಮನಗರ, ತೋರ, ಪೆರುಂಬಾಡಿ, ಆರ್ಜಿ, ಬೋಟೋಳಿ ಸೇರಿದಂತೆ ಸುತ್ತಮುತ್ತಲಿ ಗ್ರಾಮಗಳಲ್ಲಿ ಶನಿವಾರ ರಾತ್ರಿ ಉತ್ತಮ ಮಳೆ ಸುರಿದಿದೆ. ಭಾನುವಾರ ಬೆಳಿಗ್ಗೆಯಿಂದ ಮೋಡ ಕವಿದ ವಾತಾವರಣವಿದ್ದು ತುಂತುರು ಮಳೆ ಸುರಿಯಿತು.
