‘ಗಡಿಪಾರು ಎಂಬುದು ಅಂದುಕೊಂಡಷ್ಟು ಸುಲಭದ ಪ್ರಕ್ರಿಯೆ ಅಲ್ಲ. ದೇಶವೊಂದರ ಜತೆ ಗಡಿಪಾರು ಒಪ್ಪಂದಕ್ಕೆ ಸಹಿ ಹಾಕುವ ಸಂದರ್ಭ ಕೆಲವು ಅಂಶಗಳನ್ನು ಅಷ್ಟಾಗಿ ಪರಿಗಣಿಸಲಾಗಿರುವುದಿಲ್ಲ. ಬ್ರಿಟನ್ನ ಕಾನೂನಿನ ಪ್ರಕಾರ, ಯಾವನೇ ವ್ಯಕ್ತಿ ಅಧಿಕೃತ ಪಾಸ್ಪೋರ್ಟ್ನೊಂದಿಗೆ ಆ ದೇಶಕ್ಕೆ ಬಂದರೆ ನಂತರ ಅದು ರದ್ದಾದರೂ ಅಲ್ಲಿ ಯಾವುದೇ ಕ್ರಮ ಕೈಗೊಳ್ಳುವುದಿಲ್ಲ. ಭಾರತದ ಕಡೆಯಿಂದ ಮಲ್ಯ ಗಡಿಪಾರಿಗೆ ಬೇಕಾದ ಎಲ್ಲ ಕಡತಗಳನ್ನು ಜಾರಿ ನಿರ್ದೇಶನಾಲಯ ಹಸ್ತಾಂತರಿಸಿದೆ. ಯಾವುದೇ ನಿರ್ಧಾರ ಕೈಗೊಳ್ಳುವ ಮುನ್ನ ಬ್ರಿಟನ್ನ ಅಧಿಕಾರಿಗಳು ಕಡತಗಳನ್ನು ಪರಿಶೀಲನೆ ಮಾಡಲಿದ್ದಾರೆ’ ಎಂದು ಅವರು ಹೇಳಿದ್ದಾರೆ.