ಮಹಿಳೆಯರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಸೈನಾ 17–21, 21–18, 21–12 ರಿಂದ ಥಾಯ್ಲೆಂಡ್ನ ರಾಚನಾಕ್ ಇಂಟನಾನ್ ವಿರುದ್ಧ ಜಯಿಸಿದರು. 2012ರ ಲಂಡನ್ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗಳಿಸಿದ್ದ ಸೈನಾ ಮತ್ತು ಥಾಯ್ಲೆಂಡ್ನ ಅಗ್ರಕ್ರಮಾಂಕದ ಆಟಗಾರ್ತಿ ರಾಚನಾಕ್ ಅವರು ಮೊದಲ ಗೇಮ್ನಲ್ಲಿ ಜಿದ್ದಾಜಿದ್ದಿನ ಆಟವಾಡಿದರು. 7–5ರಿಂದ ಸೈನಾ ಮುಂದಿದ್ದರು. ಆ ಹಂತದವರೆಗೂ ಸಮಬಲದ ಹೋರಾಟ ನಡೆದಿತ್ತು. ಆದರೆ ನಂತರದ ಹಂತದಲ್ಲಿ ರಚಾನಕ್ ಚುರುಕಿನ ಆಟವಾಡಿದರು. ನೆಟ್ ಬಳಿಯ ಡ್ರಾಪ್ಗಳ ಮೂಲಕ ಸೈನಾ ಅವರಿಗೆ ಸವಾಲೊಡ್ಡಿದರು.