‘ವಝಕ್ಕಾಡ್‌ನಲ್ಲಿ ಒಟ್ಟು 17 ಮಸೀದಿಗಳಿವೆ. ವಝಕ್ಕಾಡ್‌ ಜಂಕ್ಷನ್‌ನಲ್ಲೇ 7 ಮಸೀದಿಗಳಿವೆ. ಕೆಲವೇ ಕಿ.ಮೀ.ಗಳ ಅಂತರದಲ್ಲಿ ಇನ್ನು 10 ಮಸೀದಿಗಳಿವೆ. ಈ ಮಸೀದಿಗಳಿಂದ ಬೇರೆ ಬೇರೆ ಸಮಯದಲ್ಲಿ ಕೇಳಿಬರುವ ಆಜಾನ್‌ನ ಸದ್ದಿನಿಂದ ಇಲ್ಲಿನ ಶಾಲಾ ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಹಾಗೂ ಜನಸಾಮಾನ್ಯರಿಗೆ ತೊಂದರೆಯಾಗುತ್ತಿರುವುದು ನಮ್ಮ ಗಮನಕ್ಕೆ ಬಂದಿತ್ತು. ಹೀಗಾಗಿ ಒಂದೇ ಬಾರಿ ಆಜಾನ್‌ಗೆ ನಿರ್ಧರಿಸಲಾಯಿತು. ಎಲ್ಲಾ 17 ಮಸೀದಿಗಳ ಧರ್ಮ ಪ್ರಮುಖರೂ ಇದಕ್ಕೆ ಸಮ್ಮತಿಸಿದ್ದಾರೆ’ ಎಂದು ವಝಕ್ಕಾಡ್‌ ಮಸೀದಿಗಳ ಸಮಿತಿಯ ಅಧ್ಯಕ್ಷ ಟಿ.ಪಿ. ಅಬ್ದುಲ್‌ ಅಜೀಜ್‌ ತಿಳಿಸಿದ್ದಾರೆ.
