‘ಎರಡು ದಿನಗಳ ನಂತರ ಕರೆ ಸ್ವೀಕರಿಸಿದ ಆತ, ‘ನಮ್ಮ ಮದುವೆಗೆ ಪೋಷಕರು ಒಪ್ಪುತ್ತಿಲ್ಲ. ನನ್ನನ್ನು ಬಿಟ್ಟು ಬಿಡು’ ಎಂದು ಹೇಳಿದ. ನಂತರ ಆತನ ತಾಯಿ ಮಾತನಾಡಿ, ‘ನೀನು ಶೀಲವಂತೆಯಲ್ಲ. ಮಗನ ಸಹವಾಸಕ್ಕೆ ಬಂದರೆ ಪರಿಣಾಮ ನೆಟ್ಟಗಿರುವುದಿಲ್ಲ’ ಎಂದು ಬೆದರಿಸಿದರು. ತುಂಬ ಕೆಟ್ಟ ಭಾಷೆಯಲ್ಲಿ ನನ್ನನ್ನು ನಿಂದಿಸಿದರು.’
‘ನಂತರ ಸ್ನೇಹಿತ ಪ್ರೀತಮ್ ಎಂಬಾತನ ಜತೆ ಮನೆಗೆ ಬಂದ ಉಲ್ಲಾಸ್, ನನ್ನ ಮೇಲೆ ಹಲ್ಲೆ ನಡೆಸಿದ. ಅಲ್ಲದೆ, ‘ನೀನು ನನಗೆ ಇಷ್ಟವಿಲ್ಲವೆಂದು ಹೇಳು’ ಎಂದು ಬಲವಂತವಾಗಿ ಹೇಳಿಸಿ, ಅದನ್ನು ಮೊಬೈಲ್‌ನಲ್ಲಿ ರೆಕಾರ್ಡ್ ಮಾಡಿಕೊಂಡು ಹೋದ. ಈ ರೀತಿ ನನ್ನನ್ನು ವಂಚಿಸಿರುವ ಉಲ್ಲಾಸ್
ವಿರುದ್ಧ ಕಾನೂನು ಕ್ರಮ ತೆಗೆದುಕೊಳ್ಳಬೇಕು’ ಎಂದು ನಟಿ ದೂರಿನಲ್ಲಿ ಕೋರಿದ್ದಾರೆ.
