ನವದೆಹಲಿ: ದೇಶದಾದ್ಯಂತ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‌ಟಿ) ಜಾರಿಯಾಗುತ್ತಿದ್ದಂತೆ ಹೋಂಡಾ ಸಂಸ್ಥೆ ಕಾರುಗಳ ಬೆಲೆಯನ್ನು ₹1.31 ಲಕ್ಷದವರೆಗೂ ಇಳಿಕೆ ಮಾಡಿದೆ.
ಜಿಎಸ್‌ಟಿ ಪರಿಣಾಮದಿಂದ ಹೋಂಡಾ ಸಂಸ್ಥೆಯ ಎಸ್‌ಯುವಿ ಸಿಆರ್‌–ವಿ ಕಾರುಗಳ ಬೆಲೆಯು ₹1,31,663ರಷ್ಟು ಕಡಿಮೆಯಾಗಿದೆ.ಬ್ರಿವೋ ಮಾದರಿ ಕಾರುಗಳ ಬೆಲೆ ₹12,279 ಇಳಿಕೆಯಾಗಿದ್ದು, ಅಮೇಜ್‌ ಕಾರುಗಳ ಬೆಲೆ ₹14,825 ಕಡಿಮೆಯಾಗಿದೆ.
ಇನ್ನೂ ಹೋಂಡಾ ಸಿಟಿ ₹16,510, ಜಾಜ್‌ ₹10,031, ಡಬ್ಲ್ಯುಆರ್‌–ವಿ ₹10,064 ಹಾಗೂ ಬಿಆರ್‌–ವಿ ಮಾದರಿ ಕಾರುಗಳ ಬೆಲೆಯಲ್ಲಿ ₹30,387ರಷ್ಟು ಇಳಿಕೆಯಾಗಿದೆ.
ಈಗಾಗಲೇ ಮಾರುತಿ ಸುಜುಕಿ, ಫೋರ್ಡ್‌, ಟೊಯೋಟಾ, ಜಾಗ್ವಾರ್‌ ಲ್ಯಾಂಡ್‌ ರೋವರ್‌ ಹಾಗೂ ಬಿಎಂಡಬ್ಲ್ಯು ಕಾರು ಉತ್ಪಾದನಾ ಸಂಸ್ಥೆಗಳು ಜಿಎಸ್‌ಟಿ ಜಾರಿಯಿಂದ ಆದ ಬೆಲೆ ಕಡಿತವನ್ನು ಘೋಷಿಸಿವೆ.
