ವಿಜ್ಞಾನ ವಿಷಯಗಳಲ್ಲಿ ಕನ್ನಡ ಬರವಣಿಗೆ ಪ್ರೋತ್ಸಾಹಿಸಲು ಅಕಾಡೆಮಿ ‘ಶ್ರೇಷ್ಠ ಲೇಖಕ’ ಪ್ರಶಸ್ತಿ ನೀಡುತ್ತದೆ. ಈ ಬಾರಿ ವಿಜ್ಞಾನ ವಿಷಯಕ್ಕೆ ಸಂಬಂಧಿಸಿದ 19 ಪುಸ್ತಕಗಳು, ಕೃಷಿ 12, ವೈದ್ಯಕೀಯದಲ್ಲಿ 10 ಹಾಗೂ 3 ತಂತ್ರಜ್ಞಾನ ವಿಷಯದ ಕುರಿತ ಪುಸ್ತಕಗಳು ಸೇರಿ ಒಟ್ಟು 44 ಪುಸ್ತಕಗಳು ಪ್ರಶಸ್ತಿ ಆಯ್ಕೆಗೆ ಬಂದಿದ್ದವು. ಅವುಗಳ ಉಪಯುಕ್ತತೆ, ಸ್ವಂತಿಕೆ, ಸರಳತೆಯನ್ನು ಗಮನಿಸಿ 6 ಲೇಖಕರನ್ನು ಆಯ್ಕೆ ಮಾಡಲಾಗಿದೆ. ಪ್ರಶಸ್ತಿಯು ತಲಾ ₹25 ಸಾವಿರ ನಗದು, ಫಲಕ ಹೊಂದಿದೆ.