ವಿಡಿಯೊದಲ್ಲೇನಿತ್ತು?: ಬುರ್ಹಾನ್ ವಾನಿ ಆತನ ಸಹಾಯಕನೊಂದಿಗೆ ಬಂದೂಕು ಹಿಡಿದು ನಿಂತಿರುವ ವಿಡಿಯೊ ಅದಾಗಿತ್ತು. ಹಿನ್ನೆಲೆಯಲ್ಲಿ ಆತ ಕಾಶ್ಮೀರಿ ಜನಪದ ಗೀತೆಯನ್ನು ಹಾಡಿರುವುದು ಕೇಳಿಬರುತ್ತಿತ್ತು. ‘ನೀವು ನನ್ನನ್ನು ಮಿಸ್ ಮಾಡಿಕೊಳ್ಳಲಿದ್ದೀರಿ, ಓ ತಾಯಿ, ಯಾವಾಗ ನನ್ನನ್ನು ಭುವಿಯಲ್ಲಿ ಮಣ್ಣು ಮಾಡುತ್ತಾರೋ ಆವಾಗ...’ ಎಂಬ ಹೃದಯಸ್ಪರ್ಶಿ ಸಾಲುಗಳು ಆ ಹಾಡಿನಲ್ಲಿ ಅಡಕಗೊಂಡಿದ್ದವು. ಈ ವಿಡಿಯೊದ ಮೂಲಕ ಆತ ಅನೇಕ ಕಾಶ್ಮೀರಿಗರನ್ನು, ಯುವಕರನ್ನು ಸೆಳೆದಿದ್ದ. ವಿಡಿಯೊದಿಂದ ಉಗ್ರರಿಗೆ ನಾಗರಿಕರ ಬೆಂಬಲ ದೊರೆಯುವಂತಾಗಿತ್ತು. ‘ಆ ವಿಡಿಯೊ ನೋಡಿದರೆ ಯಾವನೇ ಕಾಶ್ಮೀರಿ ಅತ್ತುಬಿಡಬಹುದು. ಅದು ನಿಮ್ಮನ್ನು ಸೆಳೆಯುವಂತಿದೆ’ ಎಂದು ಶ್ರೀನಗರದ 40 ವರ್ಷದ ಮಹಿಳೆಯೊಬ್ಬರು ನೀಡಿರುವ ಹೇಳಿಕೆಯನ್ನೂ ಹಿಂದುಸ್ತಾನ್ ಟೈಮ್ಸ್ ಉಲ್ಲೇಖಿಸಿದೆ.