ಬೀಜಿಂಗ್: ಪರಿಸರ ಸಂರಕ್ಷಣೆ, ಪರಿಸರವಾದಗಳ ಕುರಿತು ತಿಳಿವಳಿಕೆ ಇಲ್ಲದ ಶ್ವಾನವು ಸತತ 10 ವರ್ಷಗಳಿಂದ ನದಿಯಲ್ಲಿನ ಪ್ಲಾಸ್ಟಿಕ್ ಹೊರತೆಗೆಯುವ ಕಾರ್ಯ ಮಾಡುತ್ತಿದೆ.
ಹೌದು, ಈ ಶ್ವಾನ ಚೀನಾದ ಜಿಯಾಂಗ್ಸು ಪ್ರಾಂತ್ಯದ ಸುಝೌ ನದಿಯಲ್ಲಿ ಬಿದ್ದಿರುವ ಪ್ಲಾಸ್ಟಿಕ್ ಬಾಟಲಿಗಳನ್ನು ಬಾಯಿಯಲ್ಲಿ ಕಚ್ಚಿ ತಂದು ಕಸ ಸಂಗ್ರಹ ಡಬ್ಬಿಗೆ ಹಾಕುತ್ತಿದೆ.
ಈ ಕುರಿತು ಚೀನಾದ ‘ಪೀಪಲ್ಸ್ ಡೈಲಿ’ ದಿನಪತ್ರಿಕೆ ವರದಿ ಮಾಡಿದೆ. ಕಳೆದ 10 ವರ್ಷಗಳಲ್ಲಿ ದಿನಕ್ಕೆ 20–30 ಬಾಟಲಿಗಳಂತೆ ಈವರೆಗೆ 2 ಸಾವಿರ ಪ್ಲಾಸ್ಟಿಕ್ ಬಾಟಲಿಗಳನ್ನು ಹೊರತೆಗೆದಿದೆ ಎನ್ನಲಾಗಿದೆ.