ಶನಿವಾರ, ಡಿಸೆಂಬರ್ 14, 2019
20 °C

ಠಾಣೆಗೊಂದು ‘ಪಿಂಕ್‌’ ಹೊಯ್ಸಳ ವಾಹನ; ಮುಖ್ಯಮಂತ್ರಿ ಸೂಚನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಠಾಣೆಗೊಂದು ‘ಪಿಂಕ್‌’ ಹೊಯ್ಸಳ ವಾಹನ; ಮುಖ್ಯಮಂತ್ರಿ ಸೂಚನೆ

ಬೆಂಗಳೂರು: ನಗರದಲ್ಲಿ ಮಹಿಳೆಯರ ಸುರಕ್ಷತೆಗಾಗಿ  ಪ್ರತಿ ಠಾಣೆಗೊಂದರಂತೆ ‘ಪಿಂಕ್‌’ ಹೊಯ್ಸಳ ವಾಹನ ನಿಯೋಜಿಸುವಂತೆ ಅಧಿಕಾರಿಗಳಿಗೆ ಮುಖ್ಯಮಂತ್ರಿ ಸೂಚನೆ ನೀಡಿದ್ದಾರೆ.

ಹಿರಿಯ ಅಧಿಕಾರಿಗಳ ಪ್ರಗತಿ ಪರಿಶೀಲನಾ ಸಭೆ ಬಳಿಕ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಬೆಂಗಳೂರಿನಲ್ಲಿ 110 ಠಾಣೆಗಳಿದ್ದು, ಇನ್ನೊಂದು ವಾರದಲ್ಲಿ ಅಲ್ಲೆಲ್ಲ ಪಿಂಕ್‌ ಹೊಯ್ಸಳ ವಾಹನಗಳು ಸೇವೆ ಒದಗಿಸಲಿವೆ. ತುರ್ತು ಸಂದರ್ಭದಲ್ಲಿ ಮಹಿಳೆಯರ ನೆರವಿಗೆ ವಾಹನದ ಸಿಬ್ಬಂದಿ ಹೋಗಲಿದ್ದಾರೆ’ ಎಂದರು.

‘ಮಹಿಳೆಯರ ಸರ ಕಳ್ಳತನ, ಒಂಟಿ ಮಹಿಳೆಯರ ಕೊಲೆ ಹಾಗೂ ಸುಲಿಗೆ  ಪ್ರಕರಣಗಳು ಹೆಚ್ಚಾಗುತ್ತಿವೆ. ಇಂಥ ಪ್ರಕರಣ ತಡೆಗೆ ಪೊಲೀಸ್‌ ಕಮಿಷನರ್‌ಗಳಿಗೆ  ಸೂಚನೆ ನೀಡಿದ್ದೇನೆ. ಎಡಿಜಿಪಿಗಳಿಗೆ ಜಿಲ್ಲಾವಾರು ಉಸ್ತುವಾರಿ ನೀಡಲಾಗಿದ್ದು, ಕಾಲ ಕಾಲಕ್ಕೆ ಆ ಜಿಲ್ಲೆಗಳಿಗೆ ಹೋಗಿ ಅಧಿಕಾರಿಗಳಿಗೆ ಮಾರ್ಗದರ್ಶನ ಮಾಡುವಂತೆಯೂ ಹೇಳಿದ್ದೇನೆ’ ಎಂದು ತಿಳಿಸಿದರು.

ಪ್ರತಿಕ್ರಿಯಿಸಿ (+)