ಕಳೆದ ವರ್ಷ ಅಂಕಿತಾ ಲೊಖಂಡೆ ತಮ್ಮ ಬಾಯ್ಫ್ರೆಂಡ್ ಆಗಿದ್ದ ಸುಶಾಂತ್ ಸಿಂಗ್ ರಜಪೂತ್ ಅವರ ಜೊತೆಗಿನ ಸಂಬಂಧದಿಂದ ದೂರವಾಗಿದ್ದರು. ಆದರೆ ಈಗಲೂ ತಮ್ಮನ್ನು ಸುಶಾಂತ್ ಸಿಂಗ್ನ ಮಾಜಿ ಪ್ರೇಯಸಿ ಎಂದು ಕರೆಯುವುದು ಅವರಿಗೆ ತುಂಬ ಮುಜುಗರ ತಂದಿದೆಯಂತೆ. ’ಯಾಕೆ ನನ್ನನ್ನು ಸುಶಾಂತ್ ಸಿಂಗ್ ಮಾಜಿ ಪ್ರೇಯಸಿ ಎಂದು ಕರೆಯುತ್ತಾರೋ ಗೊತ್ತಿಲ್ಲ, ನನಗೆ ನನ್ನದೇ ಆದ ಆಸ್ತಿತ್ವವಿದೆ. ನನ್ನ ಕೆಲಸದ ಬಗ್ಗೆ ಯಾಕೆ ಮಾತನಾಡಬಾರದು? ಶೀಘ್ರದಲ್ಲೇ ನನ್ನ ಮೊದಲ ಸಿನಿಮಾದ ಕೆಲಸದಲ್ಲಿ ತೊಡಗಿಸಿಕೊಳ್ಳಲಿದ್ದೇನೆ. ಎಲ್ಲರೂ ಅದರ ಬಗ್ಗೆ ಮಾತಾಡಿ’ ಎಂದು ಆಗ್ರಹಿಸಿದ್ದಾರೆ.