ಲಖನೌ: ದೇಶ ಮತ್ತು ವಿದೇಶಗಳ ಜನರಿಗೆ ಆಗ್ರಾದ ತಾಜ್ಮಹಲ್ ದೊಡ್ಡ ಆಕರ್ಷಣೆ. ಆದರೆ ಅದು ಇರುವ ಉತ್ತರಪ್ರದೇಶದ ಸರ್ಕಾರ ಮಾತ್ರ ಸಾಂಸ್ಕೃತಿಕ ಪರಂಪರೆಯ ಪಟ್ಟಿಯಿಂದ ತಾಜ್ಮಹಲ್ ಅನ್ನು ಕೈಬಿಟ್ಟಿದೆ.
ಸಾಂಸ್ಕೃತಿಕ ಪರಂಪರೆಯ ಕೇಂದ್ರಗಳನ್ನು ಅಭಿವೃದ್ಧಿ ಪಡಿಸುವ ಯೋಜನೆಯನ್ನು ರಾಜ್ಯದ ಬಜೆಟ್ನಲ್ಲಿ ಸೇರಿಸಲಾಗಿದೆ. ಅದಕ್ಕಾಗಿ ₹2,800 ಕೋಟಿ ನಿಗದಿ ಮಾಡಲಾಗಿದೆ.
ಸಾಂಸ್ಕೃತಿಕ ಕೇಂದ್ರಗಳ ಪಟ್ಟಿಯಲ್ಲಿ ಅಯೋಧ್ಯೆ, ವಾರಾಣಸಿ, ಮಥುರಾ, ನೈಮಿಷಾರಣ್ಯ, ಚಿತ್ರಕೂಟ ಮತ್ತು ವಿಂಧ್ಯಾಚಲ ಸೇರಿವೆ. ತಾಜ್ಮಹಲ್ ಇಲ್ಲ.