‘2000ರಿಂದ 2012ರ ಅವಧಿಯಲ್ಲಿ ಮಣಿಪುರದಲ್ಲಿ 1,528 ನಕಲಿ ಎನ್ಕೌಂಟರ್ಗಳು ನಡೆದಿದ್ದು, ಈ ಬಗ್ಗೆ ಸೂಕ್ತ ತನಿಖೆ ನಡೆಯಬೇಕು’ ಎಂದು ಮಾನವ ಹಕ್ಕು ಹೋರಾಟಗಾರರು ಸುಪ್ರೀಂಕೋರ್ಟ್ಗೆ ಮನವಿ ಅರ್ಜಿ ಸಲ್ಲಿಸಿದ್ದರು.
ಈ ಅರ್ಜಿಯ ವಿಚಾರಣೆ ನಡೆಸಿದ್ದ ಸುಪ್ರೀಂಕೋರ್ಟ್, ಸೇನಾ ಪಡೆಗಳು ನಿಯಮ ಮೀರಿ ವರ್ತಿಸಿರುವ ಎಲ್ಲಾ ಘಟನೆಗಳ ಬಗ್ಗೆ ತನಿಖೆ ನಡೆಯಬೇಕೆಂದು ಕಳೆದ ವರ್ಷದ ಜುಲೈ ತಿಂಗಳಲ್ಲಿ ತಿಳಿಸಿತ್ತು. ಆದರೆ, ಸೇನೆಯು ಈ ವಿಚಾರದಲ್ಲಿ ಆಂತರಿಕ ತನಿಖೆಯಾಗಬೇಕೆಂದು ಬಯಸಿತ್ತು.