ವಾಷಿಂಗ್ಟನ್ : ರಕ್ಷಣಾ ಕ್ಷೇತ್ರದಲ್ಲಿ ಪ್ರಮುಖ ಪಾಲುದಾರ ರಾಷ್ಟ್ರವಾಗಿರುವ ಭಾರತದೊಂದಿಗೆ ಇನ್ನಷ್ಟು ಬಾಂಧವ್ಯ ವೃದ್ಧಿಸಿಕೊಳ್ಳಲು ಅಮೆರಿಕ ಸಮ್ಮತಿಸಿದೆ.
2018ರ ಆರ್ಥಿಕ ವರ್ಷದಲ್ಲಿ ರಕ್ಷಣೆಗಾಗಿ ₹39.94 ಲಕ್ಷ ಕೋಟಿ ಮೀಸಲಿರಿಸುವ ನಿರ್ಣಯವನ್ನು ಅಮೆರಿಕದ ಜನಪ್ರತಿನಿಧಿಗಳ ಸಭೆ ಶುಕ್ರವಾರ ಅಂಗೀಕರಿಸಿದೆ.
ರಾಷ್ಟ್ರೀಯ ರಕ್ಷಣಾ ಕಾಯ್ದೆ (ಎನ್ಡಿಎಎ) 2018ಕ್ಕೆ ತಿದ್ದುಪಡಿ ತರುವ ಸಂಬಂಧ ಭಾರತೀಯ ಮೂಲದ ಸಂಸದೆ ಅಮಿ ಬೆರಾ ಅವರು ಮಂಡಿಸಿದ ನಿರ್ಣಯಕ್ಕೆ ಸದನ ಒಪ್ಪಿಗೆ ಸೂಚಿಸಿತು. ಪರವಾಗಿ 344 ಮತಗಳು ಮತ್ತು ವಿರುದ್ಧವಾಗಿ 81 ಮತ ಚಲಾವಣೆಯಾಗಿದ್ದು, ಈ ವರ್ಷದ ಅಕ್ಟೋಬರ್್ 1ರಿಂದ ಕಾಯ್ದೆ ಜಾರಿಗೆ ಬರಲಿದೆ.