5
X

'ಪ್ರಜಾವಾಣಿ'ಯ ಜಾಲತಾಣವನ್ನು ಹೆಚ್ಚು ಓದುಗ ಸ್ನೇಹಿಯಾಗಿಸುವ ಉದ್ದೇಶದಿಂದ ಹೊಸ ವಿನ್ಯಾಸವನ್ನು ರೂಪಿಸಲಾಗಿದೆ.
ಈ ವಿನ್ಯಾಸದ ಕುರಿತ ನಿಮ್ಮ ಅಭಿಪ್ರಾಯಗಳನ್ನು ಇಲ್ಲಿರುವ ಲಿಂಕ್ ಕ್ಲಿಕ್ಕಿಸುವ ಮೂಲಕ ನಮಗೆ ತಿಳಿಸಬಹುದು

webfeedback@prajavani.co.in

ಎರಡು ವರ್ಷದಲ್ಲಿ ಸದಾನಂದ ಗೌಡ ಸಂಪತ್ತು ಶೇಕಡ 42ರಷ್ಟು ಹೆಚ್ಚಳ

Published:
Updated:
ಎರಡು ವರ್ಷದಲ್ಲಿ ಸದಾನಂದ ಗೌಡ ಸಂಪತ್ತು ಶೇಕಡ 42ರಷ್ಟು ಹೆಚ್ಚಳ

ನವದೆಹಲಿ: ಕಳೆದ ಎರಡು ವರ್ಷಗಳ ಅವಧಿಯಲ್ಲಿ ಸಾಂಖ್ಯಿಕ ಮತ್ತು ಯೋಜನಾನುಷ್ಠಾನ ಸಚಿವ ಸದಾನಂದ ಗೌಡ ಅವರ ಸಂಪತ್ತಿನ ಪ್ರಮಾಣದಲ್ಲಿ ಶೇಕಡ 42.3ರಷ್ಟು ಹೆಚ್ಚಾಗಿರುವುದು ತಿಳಿದುಬಂದಿದೆ. 2015ರಲ್ಲಿ ಅವರ ಬಳಿ ಇದ್ದ ಸಂಪತ್ತಿನ ಮೌಲ್ಯ ₹ 4.65 ಕೋಟಿ ಇದ್ದರೆ, 2017ರಲ್ಲಿ ಅದು ₹ 6.62 ಕೋಟಿ ಆಗಿದೆ.

2015–17ರ ಅವಧಿಯಲ್ಲಿ ಗ್ರಾಮೀಣಾಭಿವೃದ್ಧಿ ಸಚಿವ ನರೇಂದ್ರ ಸಿಂಗ್ ತೋಮರ್ ಅವರ ಸಂಪತ್ತಿನ ಪ್ರಮಾಣದಲ್ಲಿ ಗರಿಷ್ಠ ಹೆಚ್ಚಳ ಕಂಡುಬಂದಿದ್ದರೆ, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವ ಪ್ರಕಾಶ್ ಜಾವಡೇಕರ್ ಸಂಪತ್ತಿನ ಪ್ರಮಾಣ ಇಳಿಕೆಯಾಗಿದೆ.

ತೋಮರ್ ಅವರ ಸಂಪತ್ತಿನ ಪ್ರಮಾಣ ಶೇಕಡ 67.5ರಷ್ಟು ಏರಿಕೆಯಾಗಿದೆ. ಅಂದರೆ, 2014–15ನೇ ಹಣಕಾಸು ವರ್ಷದಲ್ಲಿ ₹ 53 ಲಕ್ಷ ಇದ್ದುದು 2016–17ನೇ ಸಾಲಿನಲ್ಲಿ ₹ 89 ಲಕ್ಷ ಆಗಿದೆ. ಜಾವಡೇಕರ್ ಸಂಪತ್ತಿನ ಪ್ರಮಾಣದಲ್ಲಿ ಶೇಕಡ 50ರಷ್ಟು ಇಳಿಕೆಯಾಗಿದ್ದು, ₹ 1.11 ಕೋಟಿಯಿಂದ ₹ 56 ಲಕ್ಷಕ್ಕೆ ಇಳಿಕೆಯಾಗಿದೆ ಎಂದು ಪ್ರಧಾನಿ ಕಾರ್ಯಾಲಯದ ವೆಬ್‌ಸೈಟ್‌ನ ಅಂಕಿಅಂಶಗಳನ್ನು ಉಲ್ಲೇಖಿಸಿ ಫಸ್ಟ್‌ಪೋಸ್ಟ್ ವರದಿ ಮಾಡಿದೆ.

ಮೋದಿ ಸೊತ್ತು ಹೆಚ್ಚಳ: ಪ್ರಧಾನಿ ನರೇಂದ್ರ ಮೋದಿಯವರ ನಿವ್ವಳ ಸ್ವತ್ತಿನ ಪ್ರಮಾಣ ಶೇಕಡ 41.8ರಷ್ಟು ಹೆಚ್ಚಳವಾಗಿದೆ (₹ 1.41 ಕೋಟಿಯಿಂದ ₹ 2 ಕೋಟಿ). ಜಾವಡೇಕರ್ ಹೊರತುಪಡಿಸಿ, ರಾಮ್‌ ವಿಲಾಸ್ ಪಾಸ್ವಾನ್ (30.8%), ಜೆಪಿ ನಡ್ಡಾ (14.6%) ಮತ್ತು ಅರುಣ್ ಜೇಟ್ಲಿ (4.3%)ಸಂಪತ್ತಿನ ಪ್ರಮಾಣದಲ್ಲಿ ಇಳಿಕೆಯಾಗಿದೆ. ಆದರೆ, ಈ ಐವರು ಸಚಿವರ ಪತ್ನಿಯರ ನಿವ್ವಳ ಸೊತ್ತಿನ ಪ್ರಮಾಣ ಸಚಿವರ ಸೊತ್ತಿನ ಪ್ರಮಾಣಕ್ಕಿಂತ ಹೆಚ್ಚಿದೆ.

ಸಚಿವರ ಹೆಸರು – ಹೆಚ್ಚಾದ ಸಂಪತ್ತಿನ ಪ್ರಮಾಣ

ನರೇಂದ್ರ ಸಿಂಗ್ ತೋಮರ್ – 67.5% (₹ 53 ಲಕ್ಷದಿಂದ ₹ 89 ಲಕ್ಷ)

ಸದಾನಂದ ಗೌಡ – 42.3% (₹ 4.65 ಕೋಟಿಯಿಂದ ₹ 6.62 ಕೋಟಿ)

ನರೇಂದ್ರ ಮೋದಿ – 41.8% (₹ 1.41 ಕೋಟಿಯಿಂದ ₹ 2 ಕೋಟಿ)

ಚೌಧರಿ ಬೀರೇಂದರ್‌ ಸಿಂಗ್ –  23.5% (₹ 7.97 ಕೋಟಿಯಿಂದ ₹ 9.85 ಕೋಟಿ)

ಸುಷ್ಮಾ ಸ್ವರಾಜ್ – 17.4% (₹ 4.55 ಕೋಟಿಯಿಂದ ₹ 5.34 ಕೋಟಿ)

ವಿ.ಕೆ.ಸಿಂಗ್ – 12.5% (₹ 69 ಲಕ್ಷದಿಂದ ₹78 ಲಕ್ಷ)

ಅಶೋಕ್ ಗಜಪತಿ ರಾಜು – 11.7% (₹ 6.98 ಕೋಟಿಯಿಂದ ₹ 7.80 ಕೋಟಿ)

ಮುಖ್ತಾರ್ ಅಬ್ಬಾಸ್ ನಖ್ವಿ – 7.8% (₹ 99 ಲಕ್ಷದಿಂದ ₹ 1.07 ಕೋಟಿ)

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry