ಸ್ಪರ್ಧೆಯ ನಂತರ ಮಾತಿಗೆ ಸಿಕ್ಕ ಅಂಚಲ್ ಖುಷಿಖುಷಿಯಾಗಿಯೇ ಮಾತು ಆರಂಭಿಸಿದರು. 'ನನಗೆ ಡಾನ್ಸ್ ಅಂದ್ರೆ ಇಷ್ಟ. ಹಿಪ್ಹಾಪ್ ಹಾಡಿಗೆ ನನ್ನದೇ ಶೈಲಿಯಲ್ಲಿ ಡಾನ್ಸ್ ಮಾಡಿದೆ. ಮೂರನೇ ತರಗತಿಯಲ್ಲಿರುವಾಗಲೇ ಪೋಷಕರು ನೃತ್ಯ ತರಬೇತಿ ಶಾಲೆಗೆ ಕಳುಹಿಸಿದರು. ಚಿತ್ರಕಲೆ ಮತ್ತು ಕ್ರೀಡಾ ಚಟುವಟಿಕೆಯಲ್ಲೂ ನಾನು ಎತ್ತಿದ ಕೈ. 2009ರಲ್ಲಿ ಜೀ ಕನ್ನಡ ವಾಹಿನಿಯ ‘ಕುಣಿಯೋಣ ಬಾರಾ’ದಲ್ಲಿ ಸೆಮಿ ಫೈನಲ್ವರೆಗೂ ತಲುಪಿದ್ದೆ. ಮುಂದೆ ಒಳ್ಳೇ ಡಾನ್ಸರ್ ಆಗಬೇಕು, ಅಷ್ಟೇ ಅಲ್ಲ ಬಾಹ್ಯಾಕಾಶ ವಿಜ್ಞಾನಿಯೂ ಆಗಬೇಕು ಎನ್ನುವ ಕನಸು ನನಗಿದೆ' ಎನ್ನುತ್ತಾರೆ ಅವರು.