ಬೀಜಿಂಗ್‌: ಅರುಣಾಚಲ ಪ್ರದೇಶದ ಗಡಿ ಭಾಗಕ್ಕೆ ಸಮೀಪದಲ್ಲಿ ಚೀನಾ ನಿರ್ಮಿಸಿರುವ 409 ಕಿ.ಮೀ ಉದ್ದದ ಹೆದ್ದಾರಿಯನ್ನು ಭಾನುವಾರ ಸಂಚಾರಕ್ಕೆ ಮುಕ್ತಗೊಳಿಸಲಾಗಿದೆ.
ಟಿಬೆಟ್‌ ಪ್ರಾಂತೀಯ ರಾಜಧಾನಿ ಲಾಸಾವನ್ನು ನ್ಯಿಂಗ್ಚಿ ನಗರದೊಂದಿಗೆ ಸಂಪರ್ಕ ಕಲ್ಪಿಸುವ ಈ ಎಕ್ಸ್‌ಪ್ರೆಸ್‌ ವೇ ನಿರ್ಮಾಣಕ್ಕೆ ಅದು ₹38,860 ಕೋಟಿ ವೆಚ್ಚ ಮಾಡಿದೆ.
ಈ ಹೆದ್ದಾರಿಯು ಟಿಬೆಟ್‌ನ ಪ್ರಮುಖ ಪ್ರವಾಸಿ ತಾಣಗಳಾಗಿರುವ ಈ ಎರಡು ನಗರಗಳ ನಡುವಣ ಪ್ರಯಾಣ ಅವಧಿಯನ್ನು ಎಂಟು ಗಂಟೆಗಳಿಂದ ಐದು ಗಂಟೆಗಳಿಗೆ ಇಳಿಸಲಿದೆ ಎಂದು ಕ್ಸಿನ್‌ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
