ಎಂಜಿನ್‌ಗೆ ಹಾನಿ: ವಿಮಾನ ತುರ್ತು ಭೂಸ್ಪರ್ಶ

ಬುಧವಾರ, ಜೂನ್ 19, 2019
32 °C

ಎಂಜಿನ್‌ಗೆ ಹಾನಿ: ವಿಮಾನ ತುರ್ತು ಭೂಸ್ಪರ್ಶ

Published:
Updated:
ಎಂಜಿನ್‌ಗೆ ಹಾನಿ: ವಿಮಾನ ತುರ್ತು ಭೂಸ್ಪರ್ಶ

ಪ್ಯಾರಿಸ್‌: ಏರ್‌ ಫ್ರಾನ್ಸ್ ಎ380 ಸೂಪರ್ ಜಂಬೊ ವಿಮಾನದ ಒಂದು ಎಂಜಿನ್‌ಗೆ ಹಾನಿಯಾಗಿದ್ದರಿಂದ ಕೆನಡಾದಲ್ಲಿ ಅದು ತುರ್ತು ಭೂಸ್ಪರ್ಶ ಮಾಡಿತು. ವಿಮಾನದಲ್ಲಿ 500ಕ್ಕೂ ಹೆಚ್ಚು ಪ್ರಯಾಣಿಕರಿದ್ದರು. ಪ್ರಯಾಣಿಕರಿಗೆ ಎಂಜಿನ್‌ನಿಂದ ದೊಡ್ಡ ಶಬ್ದ ಬರುತ್ತಿದ್ದುದು ಕೇಳಿಬಂತು. ಅಲ್ಲದೆ ವಿಮಾನ ನಡುಗಲಾರಂಭಿಸಿತ್ತು.

ಎಂಜಿನ್‌ಗೆ ಭಾರಿ ಹಾನಿಯಾಗಿದ್ದುದು ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಕಟವಾದ ವಿಡಿಯೊ ಮತ್ತು ಛಾಯಾಚಿತ್ರಗಳಲ್ಲಿ ಕಂಡುಬಂದಿದೆ.

ಡಬಲ್ ಡೆಕ್ಕರ್‌ನ ಈ ಜಂಬೊ ವಿಮಾನದಲ್ಲಿ 496 ಪ್ರಯಾಣಿಕರು ಮತ್ತು 24 ಸಿಬ್ಬಂದಿ ಇದ್ದರು. ಪ್ಯಾರಿಸ್‌ನಿಂದ ಹೊರಟಿದ್ದ ವಿಮಾನವು ಲಾಸ್‌ ಏಂಜಲೀಸ್‌ಗೆ ಹೋಗಬೇಕಿತ್ತು. ಹಾರಾಟ ಆರಂಭಿಸಿದ ಹಲವು ಗಂಟೆಗಳಲ್ಲಿ ಎಂಜಿನ್‌ಗೆ ಹಾನಿಯಾಗಿತ್ತು.

‘ವಿಮಾನದಿಂದ ಭಾರಿ ಪ್ರಮಾಣದ ಶಬ್ದ ಕೇಳಿಸಿತು. ಆನಂತರ ಹಾರಾಟದ ಎತ್ತರ ಒಂದೇ ಸಮನೆ ಕುಸಿಯಿತು’ ಎಂದು ಸಾರಾ ಎಮಿಘಾ ಎಂಬ ಪ್ರಯಾಣಿಕರೊಬ್ಬರು ಕೆನಡಾದ ಸಿಬಿಸಿ ಸುದ್ದಿಸಂಸ್ಥೆಗೆ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.

‘ಎಂಜಿನ್‌ಗೆ ಹಾನಿಯಾದ ನಂತರ ವಿಮಾನವನ್ನು ಪೂರ್ವ ಕೆನಡಾದ ಗೂಸ್‌ಬೆ ಸೇನಾ ವಿಮಾನ ನಿಲ್ದಾಣದಲ್ಲಿ ಇಳಿಸಲಾಯಿತು. ಕೂಡಲೇ ಎಲ್ಲ ಪ್ರಯಾಣಿಕರನ್ನು ತೆರವುಗೊಳಿಸಲಾಯಿತು. ಯಾರಿಗೂ ಯಾವುದೇ ಗಾಯಗಳಾಗಿಲ್ಲ’ ಎಂದು ಏರ್‌ ಫ್ರಾನ್ಸ್‌ನ ವಕ್ತಾರರೊಬ್ಬರು ತಿಳಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry