ಮ್ಯಾನ್ಮಾರ್‌, ಬಾಂಗ್ಲಾ ಗಡಿಯಲ್ಲಿ ಎರಡು ವಲಸೆ ತಪಾಸಣಾ ಠಾಣೆ

ಸೋಮವಾರ, ಜೂನ್ 24, 2019
26 °C

ಮ್ಯಾನ್ಮಾರ್‌, ಬಾಂಗ್ಲಾ ಗಡಿಯಲ್ಲಿ ಎರಡು ವಲಸೆ ತಪಾಸಣಾ ಠಾಣೆ

Published:
Updated:
ಮ್ಯಾನ್ಮಾರ್‌, ಬಾಂಗ್ಲಾ ಗಡಿಯಲ್ಲಿ ಎರಡು ವಲಸೆ ತಪಾಸಣಾ ಠಾಣೆ

ನವದೆಹಲಿ: ಮ್ಯಾನ್ಮಾರ್‌ ಮತ್ತು ಬಾಂಗ್ಲಾದೇಶದೊಂದಿಗೆ ಹಂಚಿಕೊಂಡಿರುವ ಗಡಿಗಳಲ್ಲಿ ಭಾರತವು ಎರಡು ಹೊಸ ವಲಸೆ ತಪಾಸಣಾ ಠಾಣೆಗಳನ್ನು ತೆರೆದಿದೆ.

ಈ ಸಂಬಂಧ, ಕೇಂದ್ರ ಗೃಹ ಸಚಿವಾಲಯವು ಪ್ರತ್ಯೇಕ ಗೆಜೆಟ್‌ ಅಧಿಸೂಚನೆಗಳನ್ನು ಹೊರಡಿಸಿದೆ. ಎರಡೂ ಠಾಣೆಗಳು ಮಿಜೋರಾಂನಲ್ಲಿವೆ.

‘ಮಿಜೋರಾಂನ ಲೌಂಗ್‌ಟ್ಲಾಯಿ ಜಿಲ್ಲೆಯಲ್ಲಿರುವ ಝೊರಿನ್‌ಪುಯಿ ತಪಾಸಣಾ ಠಾಣೆಯನ್ನು ಅಧಿಕೃತ ವಲಸೆ ಪರಿಶೀಲನಾ ಠಾಣೆಯಾಗಿ ಕೇಂದ್ರ ಸರ್ಕಾರ ಗುರುತಿಸಿದೆ. ಅಗತ್ಯ ದಾಖಲೆಗಳನ್ನು ಹೊಂದಿರುವ, ಮ್ಯಾನ್ಮಾರ್‌ನಿಂದ ಭಾರತಕ್ಕೆ ಬರುವ ಮತ್ತು ಭಾರತದಿಂದ ಮ್ಯಾನ್ಮಾರ್‌ಗೆ ಹೋಗುವ ಎಲ್ಲ ಪ್ರಯಾಣಿಕರು ಈ ಠಾಣೆಯ ಮೂಲಕ ಸಂಚರಿಸಬಹುದು’ ‌ಎಂದು  ಗೃಹ ಸಚಿವಾಲಯ ಹೊರಡಿಸಿರುವ ಅಧಿಸೂಚನೆಯಲ್ಲಿ ಹೇಳಲಾಗಿದೆ.

ಬಾಂಗ್ಲಾದೇಶದ ಗಡಿಗೆ ಹೊಂದಿಕೊಂಡಿರುವ ಮಿಜೋರಾಂನ ಲುಂಗ್ಲಿ ಜಿಲ್ಲೆಯಲ್ಲಿರುವ ಕಾವ್ರ್‌ಪ್ಯುಚ್ಚುದಲ್ಲಿ ಅಧಿಕೃತ ವಲಸೆ ಠಾಣೆಯನ್ನು ಗುರುತಿಸಲಾಗಿದೆ ಎಂದು ಮತ್ತೊಂದು ಅಧಿಸೂಚನೆಯಲ್ಲಿ ಗೃಹ ಸಚಿವಾಲಯ ಹೇಳಿದೆ.

ತೀರಾ ಒಳಪ್ರದೇಶವಾದ ಝೊರಿನ್‌ಪುಯಿಯು ಮ್ಯಾನ್ಮಾರ್‌ನ ಸಿಟ್ವೆ ಬಂದರಿನಿಂದ 287 ಕಿ.ಮೀ ದೂರದಲ್ಲಿದೆ. ಕಲಾದಾನ್‌ ಬಹುಮಾದರಿ ಯೋಜನೆಗಾಗಿ ಈ ಜಾಗವನ್ನು ಹೊಸ ಗಡಿ ಠಾಣೆಗೆ ಆಯ್ಕೆ ಮಾಡಲಾಗಿದೆ.

ಹಿಂದಿನ ಪ್ರಧಾನಿ ಮನಮೋಹನ್‌ ಸಿಂಗ್‌ ಅವರು 2012ರಲ್ಲಿ ಮ್ಯಾನ್ಮಾರ್‌ಗೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಹೊರಡಿಸಲಾದ ಜಂಟಿ ಹೇಳಿಕೆಯಲ್ಲಿ ಝೊರಿನ್‌ಪುಯಿ ಕುರಿತ ಒಪ್ಪಂದದ ಬಗ್ಗೆ ಉಲ್ಲೇಖ ಇತ್ತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry