ರಾಮ್ಪುರ ಜಿಲ್ಲೆಯ ಕೆಮ್ರಿ ಪಟ್ಟಣಕ್ಕೆ ಸಮೀಪದ ಭನ್ವರ್ಕಾ ಎಂಬಲ್ಲಿನ ಪೊಲೀಸ್ ವಸತಿಗೃಹದ ಬಳಿ ಆಟವಾಡುತ್ತಿದ್ದ ಬಾಲಕಿಯನ್ನು, ಕುಡಿದ ಮತ್ತಿನಲ್ಲಿದ್ದ ಸಬ್ ಇನ್ಸ್ಪೆಕ್ಟರ್ ಒಳಗೆ ಕರೆತಂದು ಅತ್ಯಾಚಾರ ಎಸಗಿದ. ಇದನ್ನು ಗಮನಿಸಿದ ಕಾನ್ಸ್ಟೆಬಲ್ ಒಬ್ಬರು ಘಟನೆಯ ಬಗ್ಗೆ ಸ್ಥಳೀಯರಿಗೆ ಮಾಹಿತಿ ನೀಡಿದರು. ಕೆರಳಿದ ಸಾರ್ವಜನಿಕರು ಪೊಲೀಸ್ ಠಾಣೆಯ ಮುಂದೆ ಜಮಾಯಿಸಿ ಠಾಣೆಯನ್ನು ಧ್ವಂಸಗೊಳಿಸಲು ಯತ್ನಿಸಿದರು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.