ನೀರು, ಇಂಧನ, ವನ್ಯಜೀವಿ ಉಳಿವಿಗೆ ಯುವಕರ ಸೈಕಲ್ ಜಾಥಾ

ಬುಧವಾರ, ಮೇ 22, 2019
29 °C

ನೀರು, ಇಂಧನ, ವನ್ಯಜೀವಿ ಉಳಿವಿಗೆ ಯುವಕರ ಸೈಕಲ್ ಜಾಥಾ

Published:
Updated:

ಹರಪನಹಳ್ಳಿ: ನೀರು, ಇಂಧನ, ವನ್ಯಜೀವಿಗಳನ್ನು ಉಳಿಸಿ ಎಂದು ಒತ್ತಾಯಿಸಿ ಯುವಕರ ತಂಡವೊಂದು ಅಂತರ ರಾಜ್ಯ ಸೈಕಲ್‌ ಜಾಥಾ ಆರಂಭಿಸಿದ್ದು, ಭಾನುವಾರ ತಾಲ್ಲೂಕಿಗೆ ಜಾಥಾ ಆಗಮಿಸಿತು.

ಸ್ಫೂರ್ತಿ ಜೂನಿಯರ್‌ ಚೇಂಬರ್‌ ಮತ್ತು ಎನ್‌ಎಸ್‌ಯುಐ ಕಾರ್ಯಕರ್ತರು ಜಾಥಾವನ್ನು ಬರಮಾಡಿಕೊಂಡರು. ಮುಖಂಡರಾದ ಪ್ರಸನ್ನಕುಮಾರ್ ಮತ್ತು ಶಿವಕುಮಾರ್‌ ಮಾತನಾಡಿ, ‘ಶಿವಮೊಗ್ಗದಿಂದ ಮಂತ್ರಾಲಯವರೆಗೆ ಸುಮಾರು 777 ಕಿ.ಮೀ. ಜಾಥಾ ಸಂಚರಿಸಲಿದೆ. ಈ ಮಾರ್ಗದಲ್ಲಿ ಬರುವ ಪ್ರತಿಯೊಂದು ಹಳ್ಳಿಯಲ್ಲಿ ನೀರು, ಇಂಧನ ಮತ್ತು ವನ್ಯ ಜೀವಿಗಳನ್ನು ಉಳಿಸುವ ಕುರಿತು ಜಾಗೃತಿ ಮೂಡಿಸಲಾಗುವುದು ಎಂದರು.

‘ಪ್ರಕೃತಿದತ್ತ ಕೊಡುಗೆಗಳನ್ನು ಮಿತವಾಗಿ ಬಳಸಿ ಮುಂದಿನ ಪೀಳಿಗೆಗೆ ನೀಡುವುದು ಇಂದಿನ ಅಗತ್ಯ. ಪ್ರಸ್ತುತ ವಾಹನಗಳ ಸಂಖ್ಯೆ ಹೆಚ್ಚಾಗುತ್ತಿವೆ. ಹೆಚ್ಚು ಇಂಧನ ಬಳಕೆಯಿಂದ ಪರಿಸರ ಮಾಲಿನ್ಯ ಹೆಚ್ಚಾಗುತ್ತಿದೆ. ಕಾಡು ನಾಶವಾಗುತ್ತಿದ್ದು, ವನ್ಯಜೀವಿಗಳ ಹತ್ಯೆ ಹೆಚ್ಚಾಗುತ್ತಿದೆ. ಈ ಬಗ್ಗೆ ಜನರಲ್ಲಿ ಅರಿವು ಮೂಡಿಸುತ್ತಿದ್ದೇವೆ’ ಎಂದರು.

ಶಿವಮೊಗ್ಗ ಸೈಕಲ್‌ ಕ್ಲಬ್‌ ಈ ಜಾಥಾ ಏರ್ಪಡಿಸಿದ್ದು ಮೂರ್ತಿ, ಗಿರೀಶ್‌ ಕಾಮತ್‌, ಗಣೇಶ್‌ ಕಾಮತ್‌, ರಜನಿಕಾಂತ್‌, ಶ್ರೀಕಾಂತ್‌, ಮಹಮದ್‌ರಫಿ, ರವಿ, ಅಮಿತ್‌ ಸೇರಿದಂತೆ 17 ಸೈಕಲಿಸ್ಟ್‌ಗಳು ಭಾಗವಹಿಸಿದ್ದಾರೆ. ಜೆಸಿ ಕ್ಲಬ್‌ನ ವೀರೇಶ್‌, ಶಿವಕುಮಾರ್‌ ನಾಯ್ಕ, ಇರ್ಷದ್‌ ಭಾಷಾ, ರವಿಶಂಕರ್‌, ನಜೀರ್‌ ಹುಸೇನ್‌, ಕೊಟ್ರೇಶ್‌, ಮೋರಗೇರಿ ಹೇಮಣ್ಣ ಇದ್ದರು.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry