ಅನಾಥ ಆನೆ ಮರಿಯ ಕಣ್ಣೀರ ಕಥೆ

ಬುಧವಾರ, ಜೂನ್ 26, 2019
28 °C

ಅನಾಥ ಆನೆ ಮರಿಯ ಕಣ್ಣೀರ ಕಥೆ

Published:
Updated:
ಅನಾಥ ಆನೆ ಮರಿಯ ಕಣ್ಣೀರ ಕಥೆ

‘ನಲೆಡಿ– ಆನೆಯ ಶಿಶುವಿನ ಕಥೆ’ಯ ಪ್ರದರ್ಶನದ ಮೂಲಕ ‘ರೌಂಡ್‌ಗ್ಲಾಸ್‌ ಸಂಸಾರ ಫೆಸ್ಟಿವಲ್‌ 2017’ಕ್ಕೆ ಸೋಮವಾರ ಅರ್ಥಪೂರ್ಣವಾಗಿ ಚಾಲನೆ ನೀಡಲಾಯಿತು. ಬೆನ್‌ಬೋವಿ ಮತ್ತು ಜಿಯೋಫ್ರೆ ಲಕ್‌ ಈ ಸಾಕ್ಷ್ಯಚಿತ್ರದ ನಿರ್ದೇಶಕರು. ಬೋಟ್ಸ್‌ವಾನ ಅರಣ್ಯದ ಆನೆ ಸಂರಕ್ಷಣಾ ಶಿಬಿರದಲ್ಲಿ ಜನಿಸಿದ ಹೆಣ್ಣಾನೆ ಮರಿಯೊಂದರ ನೈಜ ಕಥೆ ಆಧರಿಸಿದ ಸಾಕ್ಷ್ಯಚಿತ್ರ ಇದಾಗಿದೆ.

ಹುಟ್ಟಿದ ಒಂದು ತಿಂಗಳಿಗೆ ಹೆಣ್ಣಾನೆ ಮರಿಯ ಅಮ್ಮ(ತಾಯಿ ಆನೆ) ಬೇಟೆಗಾರರ ತಂತ್ರಕ್ಕೆ ಬಲಿಯಾಗುತ್ತಾಳೆ. ಆನೆ ಶಿಬಿರಕ್ಕೆ ರವಾನೆಯಾದ ಹೆಣ್ಣಾನೆ ಮರಿ ಅನುಭವಿಸುವ ತೊಳಲಾಟ ಮರುಕು ಹುಟ್ಟಿಸುತ್ತದೆ. ಅಭಿವೃದ್ಧಿ ಹೆಸರಿನಡಿ ಮಾನವನ ಕೃತ್ಯಕ್ಕೆ ಆನೆಯಂತಹ ದೈತ್ಯ ಪ್ರಾಣಿ ಅನುಭವಿಸುತ್ತಿರುವ ಸಂಕಷ್ಟಗಳು ಸಾಕ್ಷ್ಯಚಿತ್ರದಲ್ಲಿ ಎಳೆ ಎಳೆಯಾಗಿ ಬಿಚ್ಚಿಕೊಳ್ಳುತ್ತವೆ. ಅವ್ಯಾಹತ ಬೇಟೆಯ ಪರಿಣಾಮ ಆಫ್ರಿಕನ್‌ ಆನೆಗಳು ವಿನಾಶದ ಅಂಚಿನತ್ತ ಸಾಗುತ್ತಿರುವ ಬಗ್ಗೆಯೂ ಈ ಸಾಕ್ಷ್ಯಚಿತ್ರ ಬೆಳಕು ಚೆಲ್ಲುತ್ತದೆ.

ಅ.5ರವರೆಗೆ ನಡೆಯಲಿರುವ ಚಿತ್ರೋತ್ಸವದಲ್ಲಿ 90 ಚಲನಚಿತ್ರಗಳು ಪ್ರದರ್ಶನಗೊಳ್ಳುತ್ತಿವೆ. 105ಕ್ಕೂ ಹೆಚ್ಚು ದೇಶಗಳ 4 ಸಾವಿರಕ್ಕೂ ಹೆಚ್ಚಿನ ಪ್ರವೇಶಗಳಿಂದ ಈ ಚಲನಚಿತ್ರಗಳನ್ನು ಆರಿಸಲಾಗಿದೆ. ಸಾಕ್ಷ್ಯಚಿತ್ರ ಒಳಗೊಂಡಂತೆ ಚಲನಚಿತ್ರಗಳು 14, ಶಾರ್ಟ್‌ ಅನಿಮೇಷನ್‌ಗಳು 15, ಶಾರ್ಟ್‌ ಫಿಕ್ಷನ್ಸ್‌ ಮತ್ತು ಸಾಕ್ಷ್ಯಚಿತ್ರಗಳು 14, ಇಂಡಿಯನ್‌ ಪನೋರಮ ಸ್ಪರ್ಧೆಯೇತರ 16 ಮತ್ತು ವಿಶ್ವ ಸಿನಿಮಾ ಸ್ಪರ್ಧೆಯೇತರ 31 ಚಲನಚಿತ್ರಗಳು ಪ್ರದರ್ಶನ ಕಾಣುತ್ತಿವೆ. ಈ ಉತ್ಸವವು ಕಲೆ, ವಿಜ್ಞಾನ ಮತ್ತು ಸಂಸ್ಕೃತಿಗಳ ಮಿಶ್ರಣ. ಕಲೆ, ಯೋಗ್ಯತಾ ನಿರ್ಣಯ ಮತ್ತು ಸಂವಾದಗಳ ಮೂಲಕ ಪರಿಸರ ಸಂರಕ್ಷಣೆ ಮಾಡುವುದೇ ಈ ಉತ್ಸವದ ಮೂಲ ಉದ್ದೇಶ.

‘ನಾವಿಂದು ಜೀವ ಪರಿಸರದ ಬಿಕ್ಕಟ್ಟು ಎದುರಿಸುತ್ತಿದ್ದೇವೆ. ಇದಕ್ಕೆ ಕಾರಣಗಳು ಹಲವು. ಪರಿಸರ ಸಂರಕ್ಷಣೆಯೂ ಪ್ರತಿಯೊಬ್ಬರ ಜವಾಬ್ದಾರಿಯಾಗಬೇಕು. ಆಗ ಮಾತ್ರ ಭೂಮಂಡಲದಲ್ಲಿರುವ ಜೀವಿಗಳ ಉಳಿವು ಸಾಧ್ಯ ಎಂದರು ಉತ್ಸವದ ಅಧ್ಯಕ್ಷ ರಿಕಿ ಕೇಜ್‌.

‘ನಾನು ಗ್ರಾಮ್ಮಿ ಪ್ರಶಸ್ತಿ ಸ್ವೀಕರಿಸಿದ ದಿನದಿಂದಲೇ ವಿಶ್ವ ಪರಿಸರ ಸಂರಕ್ಷಣೆಗೆ ನಿರ್ಧರಿಸಿದೆ. ನನ್ನ ಈ ಹೋರಾಟಕ್ಕೆ ಭಾರತ ಸೇರಿದಂತೆ ವಿಶ್ವದ ಹಲವು ಮುಖಂಡರು ಬೆಂಬಲಿಸುತ್ತಿದ್ದಾರೆ. ಜನರಿಗೆ ಸಂದೇಶ ರವಾನಿಸಲು ಚಲನಚಿತ್ರವು ಅದ್ಭುತವಾದ ಮಾಧ್ಯಮ. ಕಲಾತ್ಮಕ ಮಾಧ್ಯಮಗಳ ಮೂಲಕ ಈ ಉತ್ಸವಕ್ಕೆ ಚಾಲನೆ ನೀಡಲಾಗುತ್ತಿದೆ’ ಎಂದು ವಿವರಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry