ವಿಮಾನದಲ್ಲಿ ಮೊಬೈಲ್‌ ಸೇವೆ: ಅಭಿಪ್ರಾಯ ಆಹ್ವಾನ

ಭಾನುವಾರ, ಜೂನ್ 16, 2019
22 °C

ವಿಮಾನದಲ್ಲಿ ಮೊಬೈಲ್‌ ಸೇವೆ: ಅಭಿಪ್ರಾಯ ಆಹ್ವಾನ

Published:
Updated:
ವಿಮಾನದಲ್ಲಿ ಮೊಬೈಲ್‌ ಸೇವೆ: ಅಭಿಪ್ರಾಯ ಆಹ್ವಾನ

ನವದೆಹಲಿ: ವಿಮಾನಗಳಲ್ಲಿ ಮೊಬೈಲ್‌ ಫೋನ್‌ ಬಳಸುವ ಕುರಿತು ಅಭಿಪ್ರಾಯ ಸೂಚಿಸಲು ಭಾರತೀಯ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರವು (ಟ್ರಾಯ್‌) ಮನವಿ ಮಾಡಿಕೊಂಡಿದೆ.

ವಿಮಾನ ಪ್ರಯಾಣ ವೇಳೆ ಮೊಬೈಲ್‌ ಸೇವೆ ಒದಗಿಸುವ ಕುರಿತು ಬೇಡಿಕೆ ಹೆಚ್ಚಾಗುತ್ತಿರುವುದರಿಂದ ಭಾರತದ ವಾಯುಗಡಿಯಲ್ಲಿ ಹಾರಾಟ ನಡೆಸುವ ವಿಮಾನಗಳಲ್ಲಿ ಕರೆ, ಡೇಟಾ ಮತ್ತು ವಿಡಿಯೊ ಸೇವೆಗಳನ್ನು ಒದಗಿಸುವ ಕುರಿತು ನಿಯಮಗಳನ್ನು ರೂಪಿಸಲು ಸಾರ್ವಜನಿಕರ ಅಭಿಪ್ರಾಯ ಕೋರುತ್ತಿರುವುದಾಗಿ ‘ಟ್ರಾಯ್‌’ ತಿಳಿಸಿದೆ.

ಉಪಗ್ರಹ ತಂತ್ರಜ್ಞಾನ ಅಭಿವೃದ್ಧಿಯಿಂದಾಗಿ ವಿಮಾನಗಳಲ್ಲಿ ಮೊಬೈಲ್‌ ಸೇವೆ ಒದಗಿಸಲು ಸಾಧ್ಯವಿದೆ. ವಿಮಾನವು ಪ್ರತಿ ಗಂಟೆಗೆ 800 ಕಿ.ಮೀ ವೇಗದಲ್ಲಿ ಮತ್ತು 10,000 ಮೀಟರ್‌ ಎತ್ತರದಲ್ಲಿ ಹಾರಾಟ ನಡೆಸುವಾಗ ಪ್ರಯಾಣಿಕರಿಗೆ ಉಪಗ್ರಹ ಆಧಾರಿತ ಮೊಬೈಲ್‌ ಸೇವೆ ಒದಗಿಸಬಹುದಾಗಿದೆ ಎಂದು ‘ಟ್ರಾಯ್‌’ ಅಭಿಪ್ರಾಯಪಟ್ಟಿದೆ.

2014ರಲ್ಲಿ ಅಂತರರಾಷ್ಟ್ರೀಯ ವಿಮಾನ ಪ್ರಯಾಣಿಕರ ಸಂಘ ಈ ಬಗ್ಗೆ ನಡೆಸಿದ್ದ ಸಮೀಕ್ಷೆಯಲ್ಲಿ, ಶೇ 80ರಷ್ಟು ಪ್ರಯಾಣಿಕರು ವಿಮಾನದಲ್ಲಿ ವೈ–ಫೈ ಬಳಸಲು ಇಚ್ಛಿಸುವುದಾಗಿ ತಿಳಿಸಿದ್ದರು.

ಈಗಿರುವ ಪರವಾನಗಿಯಲ್ಲೇ ಈ ಸೌಲಭ್ಯ ಒದಗಿಸಬೇಕೆ ಅಥವಾ ಪ್ರತ್ಯೇಕ ಪರವಾನಗಿ ನೀಡಬೇಕೆ ಎನ್ನುವುದರ ಬಗ್ಗೆಯೂ ‘ಟ್ರಾಯ್‌’‌ ಅಭಿಪ್ರಾಯ ಕೋರಿದೆ.

ಜನರು ತಮ್ಮ ಅಭಿಪ್ರಾಯ ತಿಳಿಸಲು ಅಕ್ಟೋಬರ್‌ 27 ಮತ್ತು ಪ್ರತಿ ಅಭಿಪ್ರಾಯ ಸಲ್ಲಿಸಲು ನವೆಂಬರ್‌ 3 ಕೊನೆಯ ದಿನವಾಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry