ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸ್ಟೀಫನ್ಸ್‌ಗೆ ಆಘಾತ ನೀಡಿದ ಮೆಕಾಲೆ

ಚೀನಾ ಓಪನ್ ಟೆನಿಸ್; ಹಿಂದೆ ಸರಿದ ಮುಗುರುಜಾ
Last Updated 2 ಅಕ್ಟೋಬರ್ 2017, 20:13 IST
ಅಕ್ಷರ ಗಾತ್ರ

ಬೀಜಿಂಗ್‌: ಡಬ್ಲ್ಯುಟಿಎ ರ‍್ಯಾಂಕಿಂಗ್‌ನಲ್ಲಿ ಮೊದಲ ಸ್ಥಾನದಲ್ಲಿರುವ ಗಾರ್ಬೈನ್ ಮುಗುರುಜಾ ಹಾಗೂ ಅಮೆರಿಕ ಓಪನ್ ಗೆದ್ದುಕೊಂಡಿದ್ದ ಸೊಲಾನೆ ಸ್ಟೀಫನ್ಸ್‌ ಚೀನಾ ಓಪನ್ ಟೆನಿಸ್ ಟೂರ್ನಿಯಲ್ಲಿ ಸೋಮವಾರ ಮೊದಲ ಸುತ್ತಿನಲ್ಲೇ ಆಘಾತ ಅನುಭವಿಸಿದ್ದಾರೆ.

ಸ್ಪೇನ್‌ನ ಆಟಗಾರ್ತಿ ಮುಗುರುಜಾ 1–6ರಲ್ಲಿ ಮೊದಲ ಸೆಟ್ ಸೋತರು. ಎರಡನೇ ಸೆಟ್ ಆರಂಭವಾದ ಕೆಲವು ನಿಮಿಷಗಳ ಬಳಿಕ ಅವರು ಪಂದ್ಯದಿಂದ ಹಿಂದೆಸರಿದರು. ಆಟದ ವೇಳೆ ಪಾದದ ಗಾಯ ಅವರನ್ನು ಕಾಡಿತು. ನೋವು ಹೆಚ್ಚಾದ ಕಾರಣ ಅವರು ಮುಂದಿನ ಸೆಟ್ ಆಡದಿರಲು ನಿರ್ಧರಿಸಿದರು. ಜೆಕ್ ಗಣರಾಜ್ಯದ ಆಟಗಾರ್ತಿ ಬಾರ್ಬರಾ ಸ್ಟ್ರೆಕೋವಾ ಅವರಿಗೆ ಅದೃಷ್ಟದ ಜಯ ಲಭಿಸಿದೆ.

23 ವರ್ಷದ ಆಟಗಾರ್ತಿ ಮುಗುರುಜಾ ಪ್ರಸಕ್ತ ಋತುವಿನ ವಿಂಬಲ್ಡನ್ ಟೂರ್ನಿಯಲ್ಲಿ ಚಾಂಪಿಯನ್ ಆಗಿದ್ದರು. ಎರಡನೇ ಸೆಟ್‌ನಲ್ಲಿ 2–0ಯಲ್ಲಿ ಹಿಂದಿದ್ದ ವೇಳೆ ಅವರು ಪ್ರಯಾಸದಿಂದ ಆಡುತ್ತಿದ್ದರು.

ವಿಶ್ವ ರ‍್ಯಾಂಕಿಂಗ್‌ನಲ್ಲಿ 17ನೇ ಸ್ಥಾನದಲ್ಲಿರುವ ಸೊಲಾನೆ 3–6, 0–6ರಲ್ಲಿ ಅಮೆರಿಕದ ಆಟಗಾರ್ತಿ ಕ್ರಿಸ್ಟಿನಾ ಮೆಕಾಲೆ ಎದುರು ಆಘಾತ ಅನುಭವಿಸಿದ್ದಾರೆ. ಮೆಕಾಲೆ ರ‍್ಯಾಂಕಿಂಗ್‌ನಲ್ಲಿ 79ನೇ ಸ್ಥಾನದಲ್ಲಿ ಇದ್ದಾರೆ. ಮಳೆಯಿಂದಾಗಿ ತಡವಾಗಿದ್ದ ಪಂದ್ಯದಲ್ಲಿ ಸ್ಟೀಫನ್ಸ್ ಉತ್ತಮ ಆರಂಭ ಪಡೆದಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT