ವನ್ಯ ಜೀವಿಗಳಿಗೆ ಮೂಲಸೌಕರ್ಯ

ಗುರುವಾರ , ಮೇ 23, 2019
32 °C

ಫಲಿತಾಂಶ (ಮುನ್ನಡೆ+ಗೆಲುವು) 0/542LIVE

ಶರಾವತಿ ಅಭಯಾರಣ್ಯದಲ್ಲಿ ಅರಣ್ಯ ಇಲಾಖೆಯಿಂದ ಕ್ರಮ

ವನ್ಯ ಜೀವಿಗಳಿಗೆ ಮೂಲಸೌಕರ್ಯ

Published:
Updated:
ವನ್ಯ ಜೀವಿಗಳಿಗೆ ಮೂಲಸೌಕರ್ಯ

ಕಾರ್ಗಲ್: ಸಮೀಪದ ಶರಾವತಿ ಅಭಯಾರಣ್ಯದ ವನ್ಯ ಜೀವಿಗಳಿಗೆ ಅಗತ್ಯವಿರುವ ಕುಡಿಯುವ ನೀರು, ಲವಣಾಂಶಗಳು ಇನ್ನಿತರ ಮೂಲ ಸೌಕರ್ಯಗಳನ್ನು ಪೂರೈಸಲು ಶರಾವತಿ ವನ್ಯ ಜೀವಿ ಅರಣ್ಯ ಇಲಾಖೆಯವರು ಅಗತ್ಯ ಕ್ರಮಗಳನ್ನು ಕೈಗೊಂಡಿದ್ದಾರೆ.

ವನ್ಯ ಜೀವಿಗಳು ಸಂಚರಿಸುವ ಮಾರ್ಗದಲ್ಲಿ ಸಣ್ಣ ಸಣ್ಣ ನೈಸರ್ಗಿಕ ತೊಟ್ಟಿಗಳನ್ನು ನಿರ್ಮಾಣ ಮಾಡಿ, ಅವುಗಳಲ್ಲಿ ಉಪ್ಪು ಚೆಲ್ಲಲಾಗಿದೆ. ಅವುಗಳಿಂದ ಮೃಗಗಳಿಗೆ ಕ್ಯಾಲ್ಸಿಯಂ ಲಭ್ಯವಾಗುತ್ತಿದೆ ಎಂದು ವನ್ಯ ಜೀವಿ ಇಲಾಖೆಯವರು ಅಭಿಪ್ರಾಯಪಡುತ್ತಾರೆ.

ಬೆಟ್ಟಗಳು, ಗುಡ್ಡಗಾಡುಗಳ ಇಳಿಜಾರಿನ ಇಕ್ಕೆಲಗಳಲ್ಲಿ ಕಾಡು ಕಲ್ಲುಗಳನ್ನು ಬಳಸಿ ಪ್ರಕೃತಿ ನಿರ್ಮಿತ ಒಡ್ಡುಗಳನ್ನು ಕಟ್ಟಲಾಗಿದೆ. ಇದರಿಂದ ದಟ್ಟ ಅರಣ್ಯ ಪ್ರದೇಶಗಳಲ್ಲಿ ಬೇಸಿಗೆಯ ಬಿಸಿಲಿನ ನಡುವೆಯೂ ಜಲಮೂಲಗಳನ್ನು ಸಂಗ್ರಹಿಸಲು ಇಂಗು ಗುಂಡಿ ನಿರ್ಮಾಣ ಮಾಡಿದಂತೆ ಆಗುತ್ತಿದೆ. ಇವು ಗಿಡ–ಮರಗಳ ಜೊತೆಗೆ ವನ್ಯ ಜೀವಿ ಸಂಪತ್ತಿನ ನೀರಿನ ಬವಣೆಯನ್ನು ತೀರಿಸುತ್ತವೆ. 431 ಚದರ ಕಿಲೋಮೀಟರ್‌ ವ್ಯಾಪ್ತಿ ಹೊಂದಿರುವ ಶರಾವತಿ ಅಭಯಾರಣ್ಯದ ದಟ್ಟ ಕಾಡಿನ ಆಜು–ಬಾಜು ನೂರಾರು ರೈತ ಕುಟುಂಬಗಳಿವೆ. ರೈತರ ಜಮೀನು, ಹೊಲ–ಗದ್ದೆಗಳಲ್ಲಿರುವ ಬೆಳೆಗಳನ್ನು ವನ್ಯ ಮೃಗಗಳ ದಾಳಿಗೆ ಒಳಗಾಗದಂತೆ ಗಡಿ ಪ್ರದೇಶದ ಸುತ್ತಲೂ ಅಗಳ ನಿರ್ಮಾಣ ಮಾಡಲಾಗುತ್ತಿದೆ. ಇದರಿಂದ ಅರಣ್ಯ ನಾಶ ತಡೆಯಬಹುದು ವಲಯ ಅರಣ್ಯಾಧಿಕಾರಿ ವಿನೋದ್‌ ಅಂಗಡಿ ಮಾಹಿತಿ ನೀಡಿದರು.

ಕಾಡಿನ ಬೆಂಕಿ ನಿಯಂತ್ರಿಸಲು ಲಿಂಗನಮಕ್ಕಿ ಹಿನ್ನೀರ ದಡದಲ್ಲಿರುವ, ಕಾಡುಕೋಣಗಳ ತಾಣ ಎಂದೇ ಹೆಸರು ವಾಸಿಯಾಗಿರುವ ಸಸಿ ಚೌಕದ ಅತಿ ಎತ್ತರದ ಪ್ರದೇಶದಲ್ಲಿ ವೀಕ್ಷಣಾ ಗೋಪುರವನ್ನು ನಿರ್ಮಾಣ ಮಾಡಲಾಗಿದೆ. ಇಲ್ಲಿ ಇಲಾಖೆಯ ಸಿಬ್ಬಂದಿ ಸದಾ ಜಾಗೃತರಾಗಿ ಅರಣ್ಯ ಪ್ರದೇಶದಲ್ಲಿ ಆಕಸ್ಮಿಕವಾಗಿ ಕಂಡು ಬರುವ ಬೆಂಕಿ ನಿಯಂತ್ರಣಕ್ಕೆ ಸನ್ನದ್ಧರಾಗಿದ್ದಾರೆ. ಜಿಂಕೆ, ಕಡವೆ, ಮುಳ್ಳು ಹಂದಿ, ಕಾಡು ಹಂದಿ, ಬರ್ಕಾ, ಮೊಲ, ಕೆಂದಳಿಲು ಮೊದಲಾದ ಪ್ರಾಣಿಗಳ ಬೇಟೆಯನ್ನು ಸಂಪೂರ್ಣ ನಿಯಂತ್ರಿಸಿದ್ದಾರೆ. ಕಾಡು ಕೋಣ, ಚಿರತೆ, ಹುಲಿ ಸಂತತಿಗಳು ದಟ್ಟ ಅರಣ್ಯದಲ್ಲಿ ನೆಲೆಸುವಂತೆ ಮತ್ತು ಜನವಸತಿ ಪ್ರದೇಶಗಳಿಗೆ ಬರದಂತೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ.

ಸಾರ್ವಜನಿಕರ ನೆರವಿಗಾಗಿ ಅಲ್ಲಲ್ಲಿ ಅಳವಡಿಸಿರುವ ಮಾಹಿತಿ ಫಲಕಗಳನ್ನು ಕಿಡಿಗೇಡಿಗಳು ನಾಶ ಪಡಿಸುತ್ತಿರುವುದು ಅನಾಗರಿಕತೆಯ ಸಂಕೇತವಾಗಿದೆ ಎಂದು ವನ್ಯ ಜೀವಿ ಇಲಾಖೆಯ ಉಪಸಂರಕ್ಷಣಾಧಿಕಾರಿ ರಮೇಶ್ ಪುಟ್ನಳ್ಳಿ ಬೇಸರ ವ್ಯಕ್ತಪಡಿಸಿದರು. ಕಿಡಿಗೇಡಿಗಳನ್ನು ಪತ್ತೆಹಚ್ಚಲು ಅಲ್ಲಲ್ಲಿ ಆಧುನಿಕ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದರು.

ಸಂತೋಷ್‌ ಕುಮಾರ್ ಕಾರ್ಗಲ್

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry