ಅಮೆರಿಕದ ಖಭೌತ ವಿಜ್ಞಾನಿಗಳಿಗೆ ನೊಬೆಲ್‌ ಭೌತವಿಜ್ಞಾನ ಪ್ರಶಸ್ತಿ

ಭಾನುವಾರ, ಜೂನ್ 16, 2019
32 °C

ಅಮೆರಿಕದ ಖಭೌತ ವಿಜ್ಞಾನಿಗಳಿಗೆ ನೊಬೆಲ್‌ ಭೌತವಿಜ್ಞಾನ ಪ್ರಶಸ್ತಿ

Published:
Updated:
ಅಮೆರಿಕದ ಖಭೌತ ವಿಜ್ಞಾನಿಗಳಿಗೆ ನೊಬೆಲ್‌ ಭೌತವಿಜ್ಞಾನ ಪ್ರಶಸ್ತಿ

ಸ್ಟಾಕ್‌ಹೋಮ್‌ : ಗುರುತ್ವಾಕರ್ಷಣ ಅಲೆಗಳ ಸಂಶೋಧನೆಗಾಗಿ ಅಮೆರಿಕದ ಖಭೌತ ವಿಜ್ಞಾನಿಗಳಾದ ಬ್ಯಾರಿ ಬ್ಯಾರಿಶ್‌, ಕಿಪ್‌ ಥೋರ್ನ್‌ ಮತ್ತು ರೈನರ್‌ ವೈಸ್ಸ್‌ ಅವರು ನೊಬೆಲ್‌ ಭೌತವಿಜ್ಞಾನ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಬ್ರಹ್ಮಾಂಡದಲ್ಲಿನ ಕಪ್ಪು ರಂಧ್ರಗಳ ಪರಸ್ಪರ ಡಿಕ್ಕಿ ಅಥವಾ ಅವುಗಳ ಸ್ಫೋಟದಿಂದ ಉಂಟಾಗುವ ಗುರುತ್ವಾಕರ್ಷಣ ಅಲೆಗಳ ಕುರಿತ ಸಂಶೋಧನೆಗೆ ಮೂವರಿಗೂ ಈ ಗೌರವ ಸಂದಿದೆ.

ಆಲ್ಬರ್ಟ್‌ ಐನ್‌ಸ್ಟೀನ್‌ ಅವರು ಶತಮಾನದ ಹಿಂದೆಯೇ ತಮ್ಮ ಸಾಮಾನ್ಯ ಸಾಪೇಕ್ಷತಾ ಸಿದ್ಧಾಂತದ ಅಧ್ಯಯನದಲ್ಲಿ ಈ ಬಗ್ಗೆ ಊಹೆಯನ್ನು ವ್ಯಕ್ತಪಡಿಸಿದ್ದರು. ಆದರೆ, ಅದು 2015ರಲ್ಲಿ ಪತ್ತೆಯಾಗಿತ್ತು. ಈ ವಿದ್ಯಮಾನವು ಬ್ರಹ್ಮಾಂಡದ ಬಗೆಗಿನ ಕುತೂಹಲವನ್ನು ಕೆರಳಿಸಿತ್ತು.

‘ಖಭೌತ ವಿಜ್ಞಾನಿಗಳ ಸಂಶೋಧನೆ ಜಗತ್ತನ್ನು ಚಕಿತಗೊಳಿಸಿದೆ’ ಎಂದು ನೊಬೆಲ್‌ ಪ್ರಶಸ್ತಿಗೆ ಅರ್ಹರನ್ನು ಆಯ್ಕೆ ಮಾಡುವ ಸ್ವೀಡಿಶ್‌ ರಾಯಲ್‌ ಅಕಾಡೆಮಿ ಆಫ್‌ ಸೈನ್ಸಸ್‌ನ ಮುಖ್ಯಸ್ಥ ಗೋರನ್‌ ಕೆ. ಹ್ಯಾನ್‌ಸ್ಸೊನ್‌ ಅಭಿಪ್ರಾಯಪಟ್ಟಿದ್ದಾರೆ.

ಖಭೌತ ವಿಜ್ಞಾನಿಗಳು ಗುರತ್ವಾಕರ್ಷಣ ಅಲೆಗಳ ಕುರಿತ ದಶಕಗಳ ಸಂಶೋಧನೆಯನ್ನು 2015ರಲ್ಲಿ ಪೂರ್ಣಗೊಳಿಸಿದ್ದರು. 2016ರಲ್ಲಿ ಇದನ್ನು ಅಧಿಕೃತವಾಗಿ ಪ್ರಕಟಿಸಿದ್ದರು. ಅಲ್ಲಿಂದ ಇಲ್ಲಿಯವರೆಗೆ ಹಲವು ಪ್ರಮುಖ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದಾರೆ.

ಥೋರ್ನ್‌ ಮತ್ತು ವೈಸ್ಸ್‌ ಅವರು ಒಗ್ಗೂಡಿ ಕ್ಯಾಲಿಫೋರ್ನಿಯಾ ಇನ್‌ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿಯಲ್ಲಿ ಗುರುತ್ವಾಕರ್ಷಣ ಅಲೆಗಳ ಸಂಶೋಧನೆಗಾಗಿ ವೀಕ್ಷಣಾಲಯವನ್ನು ಆರಂಭಿಸಿದ್ದರು. ಬ್ಯಾರಿಶ್‌ ಅವರು ಸಂಶೋಧನೆಯನ್ನು ಪೂರ್ಣಗೊಳಿಸಿದರು.

ನೊಬೆಲ್‌ ಭೌತವಿಜ್ಞಾನ ಪ್ರಶಸ್ತಿ ಮೊತ್ತ ₹ 7.19 ಕೋಟಿಯನ್ನು ಈ ಮೂವರೂ ವಿಜ್ಞಾನಿಗಳು ಹಂಚಿಕೊಳ್ಳಲಿದ್ದಾರೆ.

ಕಳೆದ ವರ್ಷ ಬ್ರಿಟನ್‌ ವಿಜ್ಞಾನಿ ಡೇವಿಡ್‌ ಥೌಲೆಸ್ಸ್‌, ಡಂಕನ್‌ ಹಲ್ದಾನ್ ಮತ್ತು ಮೈಕಲ್‌ ಕೊಸ್ಟರ್ಲಿಟ್ಜ್‌ ಅವರಿಗೆ ನೊಬೆಲ್‌ ಭೌತವಿಜ್ಞಾನಿ ಪ್ರಶಸ್ತಿ ಪಡೆದಿದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry