’ಈ ಪ್ರಕರಣದಲ್ಲಿ ನಾನು ಸಂಪೂರ್ಣವಾಗಿ ಅಮಾಯಕ. ನನ್ನನ್ನು ತಪ್ಪಾಗಿ ಸಿಲುಕಿಸಲಾಗಿದೆ. ಚಿತ್ರರಂಗದಿಂದ ನನ್ನನ್ನು ಹೊರದೂಡಲು ಈ ಉದ್ದಿಮೆಯಲ್ಲಿರುವ ಪ್ರಬಲ ವ್ಯಕ್ತಿಗಳು ದೊಡ್ಡ ಮಟ್ಟದ ಸಂಚು ರೂಪಿಸಿದ್ದಾರೆ. ಪ್ರಮುಖ ಆರೋಪಿ ಪಲ್ಸರ್ ಸುನಿಯ ತಪ್ಪೊಪ್ಪಿಗೆಯ ಮೇರೆಗೆ ನನ್ನನ್ನು ಬಂಧಿಸಲಾಯಿತು. ಆದರೆ ಸುನಿಯನ್ನು ನಾನು ನೋಡಿಯೂ ಇಲ್ಲ, ಆತನ ಬಗ್ಗೆ ಕೇಳಿಯೂ ಇರಲಿಲ್ಲ ಮತ್ತು ಎಂದಿಗೂ ಆತನೊಂದಿಗೆ ಮಾತನ್ನೂ ಆಡಿಲ್ಲ. ಈ ತಪ್ಪೊಪ್ಪಿಗೆ ಸಹ ಉದ್ದೇಶಪೂರ್ವಕವಾದುದು’ ಎಂದು ದಿಲೀಪ್ ಜಾಮೀನು ಅರ್ಜಿಯಲ್ಲಿ ವಿವರಿಸಿದ್ದಾರೆ.