ಬ್ಯಾಂಕ್‌ಗೆ ದಾಂಗುಡಿ ಇಟ್ಟ ಜನ

ಗುರುವಾರ , ಜೂನ್ 20, 2019
26 °C
ಹಂಗಳ: ಗುಮಾಸ್ತನಿಂದ ಹಣ ದುರ್ಬಳಕೆ ಪ್ರಕರಣ

ಬ್ಯಾಂಕ್‌ಗೆ ದಾಂಗುಡಿ ಇಟ್ಟ ಜನ

Published:
Updated:

ಗುಂಡ್ಲುಪೇಟೆ: ತಾಲ್ಲೂಕಿನ ಹಂಗಳ ಗ್ರಾಮದ ಕಾವೇರಿ ಗ್ರಾಮೀಣ ಬ್ಯಾಂಕಿನಲ್ಲಿ ಗುಮಾಸ್ತ ಕುಮಾರ್ ಎಂಬಾತ ಸಾರ್ವಜನಿಕರ ಹಣವನ್ನು ದುರ್ಬಳಕೆ ಮಾಡಿಕೊಂಡಿರುವ ಪ್ರಕರಣ ಬಯಲಾದ ಬಳಿಕ, ಬುಧವಾರವೂ ಜನರು ಬ್ಯಾಂಕಿಗೆ ಬಂದು ತಮ್ಮ ಖಾತೆಯ ಹಣವನ್ನು ಪರಿಶೀಲಿಸಿದರು.

ಬೆಳಿಗ್ಗೆಯೇ ಬ್ಯಾಂಕ್‌ನ ಕಚೇರಿಗೆ ದೌಡಾಯಿಸಿದ ಜನರು ತಮ್ಮ ಖಾತೆಯಲ್ಲಿರುವ ಮೊತ್ತವನ್ನು ಖಚಿತಪಡಿಸಿಕೊಂಡರು.

‘ಗುಮಾಸ್ತ ಕುಮಾರ್ ಅವರನ್ನು ನಂಬಿ ಹಣವನ್ನು ಖಾತೆಗೆ ಜಮಾ ಮಾಡಿರುವವರಿಗೆ ಮಾತ್ರ ಮೋಸವಾಗಿದೆ. ನೇರವಾಗಿ ಬ್ಯಾಂಕಿನಲ್ಲಿ ವ್ಯವಹಾರ ಮಾಡಿದವರಿಗೆ ಯಾವ ತೊಂದರೆಯಾಗಿಲ್ಲ’ ಎಂದು ಬ್ಯಾಂಕ್‌ನ ಸಿಬ್ಬಂದಿ ತಿಳಿಸಿದರು.

ಮಾಧ್ಯಮದವರಿಗೆ ತಿಳಿಸಿದರೆ ಮತ್ತೆ ಹಣ ವಾಪಸ್ ಸಿಗುವುದಿಲ್ಲ ಎಂಬ ಭಯದಿಂದ ಕೆಲವರು ಹಣ ಕಳೆದುಕೊಂಡಿದ್ದರು ಸಹ ಹೇಳಿಕೊಳ್ಳಲು ಮುಂದೆ ಬರಲಿಲ್ಲ.

‘ಗೆಳೆತನದಿಂದ ಕುಮಾರ್‌ನನ್ನು ನಂಬಿ ವ್ಯವಹಾರ ಮಾಡುತ್ತಿದ್ದೆ. ಆದರೆ ಆತ ಹಣವನ್ನೇ ಜಮಾವಣೆ ಮಾಡಿಲ್ಲ. ಪಾಸ್ ಪುಸ್ತಕದಲ್ಲಿ ಮಾತ್ರ ದಾಖಲಾಗಿದೆ. ಬ್ಯಾಂಕ್ ಸೀಲ್ ಸಮೇತ ಸಹಿ ಮಾಡಿದ್ದಾರೆ. ಆದರೆ, ಖಾತೆಯಲ್ಲಿ ಹಣವೇ ಇಲ್ಲ. ನನ್ನ ಫೋನ್ ನಂಬರ್‌ಗೆ ಯಾವುದೇ ಮಾಹಿತಿ ಸಹ ಬರುತ್ತಿರಲಿಲ್ಲ. ಅವನನ್ನು ನಂಬಿ ಮೋಸಹೋದೆ’ ಎಂದು ಹಣ ಕಳೆದುಕೊಂಡ ವ್ಯಕ್ತಿಯೊಬ್ಬರು ತಿಳಿಸಿದರು.

ಬ್ಯಾಂಕಿನಲ್ಲಿ ಕಂಪ್ಯೂಟರ್‌ಗಳು ಸೌಲಭ್ಯಗಳೇ ಇಲ್ಲ. ಬ್ಯಾಂಕ್‌ ವ್ಯವಹಾರದ ಎಲ್ಲ ವಿವರಗಳನ್ನು ಕೈಬರಹದಲ್ಲಿಯೇ ದಾಖಲಿಸ ಲಾಗುತ್ತಿತ್ತು.ರಾಷ್ಟ್ರೀಕೃತ ಬ್ಯಾಂಕ್‌ಗಳಂತೆ ಹಣ ತೆಗೆದುಕೊಳ್ಳುವಾಗ, ಜಮಾವಣೆ ಮಾಡುವಾಗ ಆನ್‌ಲೈನ್ ಮುಖಾಂತರ ಸಂದೇಶ ಬರುವಂತಿದ್ದರೆ ಇಂತಹ ಘಟನೆಗಳು ನಡೆಯುತ್ತಿರಲಿಲ್ಲ ಎಂದು ದೂರಿದರು.

ಹಣ ಮತ್ತು ಗಿರವಿಗೆ ಇಟ್ಟು ಚಿನ್ನ ಕಳೆದುಕೊಂಡವರ ಕುರಿತು ಊಹಾಪೋಹದ ಚರ್ಚೆಗಳು ಜನರ ನಡುವೆ ಸಾಮಾನ್ಯವಾಗಿತ್ತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry